日本旅遊|日本神秘Cafe 客人可享受被鯨魚「吞食」感覺?

日本人真係創意無限,不過有時又真係創意到令人眼都突埋!日前日本媒體就報道一間名為Vore Cafe嘅咖啡店,非常神秘,唔單止唔可公開地址,連店主都刻意要求打格仔及聲音要經過特別處理。

客人可以滑入鯨魚肚內,並用一條喉管作呼吸之用。
(圖:Curry7titu@Twitter)
客人可以滑入鯨魚肚內,並用一條喉管作呼吸之用。 (圖:Curry7titu@Twitter)

如想光顧該cafe,店主會先約好客人某個地方集合,然後幫客人冒眼並帶往Cafe。去到Cafe客人就可以嘗試被鯨魚「吞食」,過程係客人首先要沖乾淨涼,店主準備好一隻仿似泳池會用到嘅大型吹氣鯨魚,將潤滑劑倒入鯨魚肚內,客人就可以滑入鯨魚肚內,並合上整隻鯨魚,入面漆黑一片,客人只能用一條喉管作呼吸之用。店主話希望幫客人模擬自己身處母親體內,所以鯨魚肚內都用上粉紅色,跟食道顏色接近。

客人仲可以額外要求穿著緊身衣或有香味嘅沖涼液取代潤滑劑。
(圖:Curry7titu@Twitter)
客人仲可以額外要求穿著緊身衣或有香味嘅沖涼液取代潤滑劑。 (圖:Curry7titu@Twitter)

另外客人仲可以額外要求穿著緊身衣或有香味嘅沖涼液取代潤滑劑,成個套餐需時2個鐘,完成後可享用小食及飲品。大家可能會諗如此古怪嘅Cafe邊有人去?錯喇,原來目前每日嘅預約都已經爆滿,大家都好想感受一下被動物吞食嘅恐懼感呢!

有日本電視媒體到場,由主持人親自嘗試。
(圖:電視截圖)
有日本電視媒體到場,由主持人親自嘗試。 (圖:電視截圖)

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

相關文章:

日本旅遊|地鐵月台開診所 全日本首間已開業!

環球趣聞|賞櫻季節到 日本東大禁止學生「睇櫻花」惹不滿

環球趣聞|日本扭蛋走火入魔?推出陌生人證件相竟大受歡迎

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能