港男遊曼谷大呻因女友而食足十日芒果糯米飯「點解我仲係食緊嘅？」 網民安慰事主 推曼谷5大好味芒果糯米飯

自從泰國10月1日放寬入境措施，身邊不少朋友都飛轉曼谷，去掃街、行夜市兼做Spa，消費平又可以一解旅遊癮！不過人人都去旅行，唔通個個都開心咩！最近有網友以「喺泰國真係好辛苦」為題分享遊泰辛酸事。事緣樓主女友得知準備出發曼谷，便日煲夜煲一眾KOL或YouTuber推的泰國美食影片，「佢Mark咗幾十間餐廳、幾千個打卡位，仲send埋啲片我睇」當時樓主仍未覺有問題，更心諗「日日食唔同嘢、去唔同地方，應該幾正」點知佢忘記咗女友係一名甜品控，「佢話要食晒KOL或YouTuber介紹嗰啲甜品！」

就係咁，樓主同女友就踏上咗曼谷芒果糯米飯之旅，去十日食足十日芒果糯米飯，「頭一兩日食都幾好食、啲芒果真係幾正、好甜好香」食到最後樓主更反問自己「點解我仲係食緊嘅？點解女友會信間間芒飯都唔同味嘅？」慘就慘在「其實佢自己食冇乜問題，問題係佢次次食兩啖就飽，然後就要我食晒！」，單睇文字都令人大感無奈！

睇到呢個「芒果糯米飯奇遇記」，一眾網友都安慰樓主表示應該珍惜呢位肯做功課搵打卡位嘅女友，亦有人直言自己每次遊泰都會日日食芒果糯米飯，更請樓主公開十日的芒果糯米飯清單！其實泰國的芒果糯米飯又唔是間間一樣味，今次整合網民意見推介5間必食芒果糯米飯，只要對準出擊，又真係唔洗食足十日餐咁多嘅！

1. Kor Panich

位於曼谷老區（Phraeng Phuthon Area）的Kor Panich，開業超過80年以上，自2019年開始列入米芝蓮必比登美食推介餐廳。糯米飯採用皇家秘方每日製作，選用清萊長糯米煮飯，配上南部春蓬府椰子做的椰漿、北碧府砂糖等，味道香濃，口感十足，唔好話旅客，就連曼谷人會特地跑去買糯米飯！

地址：431-433 Tanao Road, Phranakorn, Banglamphu, Bangkok

前往方法：從MRT Sam Yot站步行14分鐘

2. Mae Varee

「Mae Varee」是曼谷最出名的老牌芒果店之一，其芒果糯米飯更是每個旅客必食之選！由於是芒果專門店，其芒果出名香甜多，吃罷滿口芒果香，糯米飯挑選來自泰國北部的清萊米，甜中帶一點鹹，軟糯中又不會太黏糊。

地址: 1 Soi Sukhumvit 55, Khwaeng Khlong Tan Nuea, Khet Watthana, Krung Thep Maha Nakhon 10110
前往方法：從BTS Thong Lo站3號出口步行約3分鐘

3. Make Me Mango

以芒果主題Make Me Mango，餐廳清一色賣芒果類甜品，有超過二十款配搭，除有芒果糯米飯，亦有芒果綿綿冰、芒果撻、芒果冰沙等，味道有口碑外，款款賣相都非常精緻很好打卡。

店子今年踏入六周年，在曼谷設有四間分店，當中Tha Tian店樓高三層，緊鄰湄南河編號N8的Tha Tian碼頭，睇完大皇宮，記得去嘆芒果甜品！

Make Me Mango

地址：67 Maha Rat Rd, Phra Borom Maha Ratchawang, Phra Nakhon, Bangkok 10200泰國

前往方法：從MRT Sanam Chai站步行8分鐘

網址：按這裡

4. Boonsap Thai Desserts

Boonsap Thai Desserts開業超過80年以上，第一代創辦人擅長製作傳統泰國甜點，如今由第三代經營，仍堅持沿用古祖食譜及做法生產製作甜品，當中芒果糯米飯以濃厚的椰奶見稱，糯米飯香糯有質感，配上多汁無渣的大舊芒果，絕對是曼谷數一數二的出品。

Boonsap Thai Desserts

地址：1478 Soi Charoen Krung 46, Bang Rak, Bangkok 10500泰國

前往方法：從BTS Saphan Taksin站步行約3分鐘

網址：按這裡

5. Cho Sornkaew

1977年開業的Cho Sornkaew，主打9色芒果糯米飯，9種顏色全以天然色素包括植物及水果如草莓、藍莓等製作而成，入口味道自然不奇怪！店子離市中心有些距離，但專登前往潮聖的旅客仍多的是，當中今次樓主第十日就係食呢間9色芒果糯米飯！

Cho Sornkaew

地址：33/500 10 Chok Chai 4 Soi 54 Lat Phrao, Lat Phrao Bangkok 10230

前往方法：從 MRT Lat Phrao站轉的士車程約15分鐘

更多相關文章

曼谷新酒店2022丨曼谷8大高性價比高新酒店推介！天台無邊際泳池/超夢幻甜品地帶/樓中樓設計 最平$134一晚！

泰國旅遊入境攻略＋Q&A！洗唔洗戴口罩？當地中招點算好？免簽證入境旅客可逗留幾耐？

曼谷自由行攻略全預算整合！機票格價/食宿推介/上網方法/交通選擇 最平每日$1,200玩盡曼谷！

遊泰前必睇！網民大數泰國10大頂尖騙局！Tuk Tuk海鮮價/餵白鴿都收錢/按摩店現假經理？

移居泰國必睇！居泰7年港人分享5個港泰生活文化差異：港人遠不及泰國人浪漫！泰式「客氣」文化好難頂？

更多泰國景點推介文章

曼谷景點2022丨曼谷10大開關後必去人氣景點！$128起玩水世界樂園＋自助午餐/著泰服遊宮殿遺跡/JJ Green＋火車夜市重開！

泰國通胡慧冲推介 泰國疫後最新旅遊熱點！曼谷實驗室火鍋/火車夜市2.0/清邁市區Pool Villa！

布吉最新必玩水上樂園Andamanda Phuket！佔地9萬平方米設五大園區/激玩全泰最長滑水梯/550米水上過山車！

曼谷水上市場一日遊人均低至$170！2人起成團＋酒店接送！坐船遊丹嫩莎朵水上市場/安帕瓦水上市場 夜觀螢火蟲＋美功鐵道市場

曼谷超大復古帆船餐廳Sirimahannop「吉祥號」低至85折！人均$391起歎三道菜晚餐＋賞湄南河景 再逛河濱碼頭夜市