雅虎香港新聞 本地插畫師展覽虛擬重現已拆卸地標 盼連結港人：我嘅責任係保育回憶
觀塘裕民坊、九龍城豪華餅店、油麻地停車場......這些港人熟悉的城市風景，都在重建巨輪下湮沒，卻在本地插畫師歐陽俊禧（PureHay）筆下重生，在虛擬世界永久保存。PureHay舉辦個人展覽《龐城》重現消失的香港地標，並加入AR元素，在虛擬世界永續我城面貌。他接受《Yahoo新聞》專訪時指，畫作所選的地標滿載港人集體回憶，「我嘅責任係去保育返啲回憶，希望可以透過作品connect（連結）到全港嘅人嘅心」。
PureHay為80後插畫師，2006年大學畢業後投身動畫公司擔任「概念藝術家」（concept artist），為產品設計場景及角色；2018年變身全職插畫師，主打數碼龐克（Cyberpunk）風格，作品混合虛擬與現實元素，曾為林家謙、方皓玟及謝安琪演唱會製作插畫。今次他的首個個人展覽《龐城》正代表Punk和香港。
「地標唔係包裝出嚟」
展覽中15張作品多以香港地標做主角，源於《Yahoo!》去年推出元宇宙企劃「Metaverse」，邀請多個本地插畫師為觀塘作畫，PureHay是其中一位。當時他創作《The rainy night in Yue Man Square》，主角是已拆卸的裕民坊麥當勞，雨水倒影照出一街霓虹燈牌，重現舊觀塘的繁華。他小時候居於觀塘，這間街坊口中的「舊老麥」伴他成長，「尤其以前入面有冷氣，會同啲朋友喺入面打機、溫書」。他的作品總會有下雨場景和霓虹燈倒影，「一落雨就諗返起細個擔住遮落樓買嘢食嘅畫面，一路行周圍有啲霓虹燈嘅反光，我會周圍望」，黑夜背景也能突顯霓虹燈的璀璨。
PureHay希望透過記錄這些地標連結港人，「地標唔係包裝出嚟，你會覺得嗰個地方陪過你成長，入面係啲大家睇得明嘅嘢，我嘅責任係保留返佢」。
PureHay隨後的創作圍繞多區地標：屹立九龍城半世紀、去年結業的豪華餅店外，食客排長龍等待蛋撻出爐的盛況；2021年因配合中九龍幹線工程而拆卸的油麻地停車場等。最新作品《The Sky of To Kwa Wan》以土瓜灣已被清拆的啟明街唐樓做主題，他創作時會回到原址觀察，「佢拆咗都好我都會照去，感受吓氣氛、味道，去到見到係一塊平地」。作品中的地標浮在空中，「如果留唔低喺地下，不如喺天空？我嘅statement（陳述）係佢繼續保留喺度，平行時空啫，而且可以去到未來」。
「在現實中消散，在虛擬中永存」
PureHay今次嘗試突破展覽空間限制，觀眾可先下載「Pure Studio」應用程式，透過程式內AR（擴增實境）相機觀賞作品，帶來立體視覺享受。他指，選擇AR是為更能勾起觀眾的回憶，聲效更包括製作團隊在街上錄製的雨水和人群喧嘩聲音，「聲音好重要，係畀你一個臨場感覺先會有回憶」。每幅作品需時至少一個月加入AR元素，觀眾也可在手機動畫片看到地標拆卸後的模樣。
「在現實中消散，在虛擬中永存」是《龐城》的宣傳語句。PureHay認為，虛擬保育地標亦可為歷史資料補充，吸引下一代認識更多，「小朋友可能attach（連結）無咁大，齋睇歷史相無乜癮，有啲科幻、動漫令佢哋更容易去食呢樣嘢」。他希望畫作能「保育回憶」，「對唔同人嚟講，（地標）共通點都係回憶同人情味」。
無懼AI浪潮：藝術講求style
近日AI浪潮夕捲藝文界，去年更有人工智慧生成的畫作奪獎。PureHay坦言，起初接觸AI非常震撼，「打幾隻字已經可以出到成幅畫」。不過，他對於科技的威脅看得淡然，全因藝術家必定有所追求，「藝術工作者會講求個style（風格），畫完嘅變化、感受，個過程好重要，outcome（製成品）只係最後一步；只有唔識嗰樣嘢嘅人先會淨係想睇個outcome」。
PureHay預料，單一而重複工作的藝術工作者或會被AI取代，「例如concept art（概念藝術）要根據導演啲文字畫一個場景，咁導演打完字畀AI咪得」。他寄語同行建立自家品牌和風格，有故事的作品自然立於不敗之地，「你唔會用錢買AI gen（產生）出嚟嘅圖，但你會買有故事嘅Hello Kitty公仔，可能因為佢無嘴、可以幫你保守秘密，但AI係唔會理解呢個故事」。
【PureHay《龐城》插畫展】
日期：即日起至5月6日
時間：中午12時至晚上7時（周二至周六）
地點：HKI Gallery（香港灣仔莊士敦道178-186號華懋莊士敦廣場7樓701室）
