雅虎香港新聞 
林寶陳列室內開party！林保怡 約咗佢飲靚酒、食芝士…
點解煲劇要煲舊劇？因為班好戲昔日小生花旦，退出嘅退出、離巢嘅離巢，當年黃金陣容，依家多多錢都搵唔番拍唔番囉！你又估唔估到，想睇番《珠光寶氣》嘅「高長勝」林保怡，新劇就冇喇，竟然會喺灣仔星街嘅林寶堅尼車行見到佢呢？
撰文：東方新地 圖片：新傳媒圖片
延伸閱讀：
向媽媽級朋友取湊仔經 陀B八個月 林芊妤搞粉藍色派對迎接仔仔
林保怡 酒逢知己會劉丹
無花又無假，夜深人靜、舖頭落晒閘，林保怡竟然同三五知己，飲住靚酒、食住芝士、仲斬埋料加餸，成班人企喺林寶陳列室內開party，仲有個彩蛋送，同列一齊玩仲有丹爺、劉丹喎！
不過隔咗幾秒，保怡神態自若咁開懷大笑，跟住用筷子夾燒味、又幫朋友傳芝士送酒，繼續享受happy hour。
53歲、一早紅過又搵夠，半上岸狀態，所以開住P睄到有鏡頭對住，完全無包袱的保怡完全唔介意，笑得仲開懷啲。對住靚車、嗒啖靚酒、對住個個都係啱嘴形老友，呢啲咪就人生囉！
後來保怡走出門口同記者傾咗兩句，佢話係朋友聚會啫，之後入去繼續再飲再食，近三個小時後才離開，相當盡興。
晒肌練跑喪操FIT
ViuTV前年的重頭劇《瑪嘉烈與大衛系列綠豆》有口皆碑， 林保怡 同周家怡的演出獲激讚，劇集更將於去年開第二部！不過ViuTV打完齋唔要和尚，新劇《瑪嘉烈與大衛系列前度》就飛起林保怡周家怡，由新紮女神袁澧林同劉俊謙頂上飾演瑪嘉烈同大衛。無故被out，林保怡早前寸爆ViuTV過橋抽板！日前保怡到赤柱晒肌練跑喪操，又埋頭寫劇本預備自編自演，擺明要積極備戰，向ViuTV還拖！
林保怡親自揸開篷戰車到赤柱跑步，先慢跑warm up，熱夠身，保怡突然剝衫，露出結實胸肌同粗壯手臂，51歲講算keep得好好！帶齊毛巾耳筒等裝備，着住對sharp爆紫色跑鞋的保怡邊聽歌邊練跑，忘我練跑。
51歲保怡平日有練跑，睇得出身形keep得唔錯，係個小肚腩礙眼咗啲啫！
跑到扯晒蝦的保怡，期間發現短褲移位太性感，要即刻行埋一邊「整理」。
保怡去附近沙灘沖身，期間跨欄過對面，身手相當敏捷。
沖完涼，換過一身裇衫西褲的保怡大方同記者傾偈，仲表示自己每日食麥包飲鮮奶，好健康，唔怪得keep得唔錯啦！
「民選視帝」人氣高
保怡在《綠豆》中的神級演技獲觀眾激讚，更高票當選「民選視帝」，嬴獎嬴民心！可惜幾好戲都冇用，事關ViuTV早前宣布開拍新一輯《瑪嘉烈與大衛系列》，除廖碧兒外，原班人馬一律被out，連男女主角林保怡同周家怡亦冇得留低。《綠豆》大受歡迎，尤其係主角分手一幕更睇到人心噏，可惜新一輯換晒人，完全唔同feel！
「雙怡」勁hit，連Sammi都搵兩人幫手拍新歌〈我不是歌手〉MV。MV以迷你劇形式播出，台前幕後都係用《綠豆》班底，甚有《綠豆》影子。
開劇還拖撼Viu
ViuTV唔識寶，好在保怡人脈廣大把路數。近期保怡忙於籌備劇本，將會聯同好拍檔周家怡同《綠豆》班底另起爐灶，自編自演開劇同ViuTV打對台！
唔只繼續拍劇，唱歌出身的保怡仲會重返樂壇，早前幫鄭秀文的MV客串，又會推出新歌派台，更透露正部署出碟，完全唔愁工作！
揭《大帥哥》變倉底貨死因 張衞健蝕住回巢 淪為炮灰
《鬼怪》、《繼承者們》都不是第一？！節目公布最佳韓國電視劇前五名
女神封盤！江嘉敏認戀電競公司高層 男友大起底
【延禧攻略】原班人馬開新劇！《皓鑭傳》邊個冇得留低？
報Hall講策略 靠靚樣無用！鄧卓殷一擊即中 馮盈盈冇間收
有情有義 情路坎坷！邵美琪 靚足33年
【港姐2018】港姐踏入45年！細數10項歷屆冠軍之最
【再創世紀】周柏豪靠鼻哥窿搶鏡？ 網民：睇到好尷尬！
【再創世紀】女主角鬥喊功 鍾嘉欣、楊怡、周勵淇邊個最慘？
【延禧攻略】光頭定有頭髮靚仔啲？盤點《延禧》三位小鮮肉chok爆對比照
延伸閱讀：
