雅虎香港新聞 深圳山姆超市｜深圳山姆人氣煮食商品食評分享！一文睇清網民正/負評食品、回購/中伏原因、價錢及煮法
山姆超市貨品種類多的是，除了熟食以及零食，不少人都會入手各類即食產品、冷凍食品等回家來個懶人料理！今次一於結集一眾網民對山姆煮食商品的食評分享，當中有山姆自家品牌的意式肉醬千層麵、酸菜魚、急凍蟹餅或厚切炸豬扒，以及各類即食麵，即睇邊款值得回購、邊款中伏啦！
山姆超市煮食篇食評｜1. Member's Mark意式肉醬千層麵
價錢：人民幣69.9元
推介指數：4.5/5
這款急凍意式肉醬千層麵一盒分成兩小盒，每盒約500克，小盒以錫紙盤盛載，賣相有點像飛機餐，可放入焗爐及氣炸鍋加熱，有Youtuber試食後表示千層麵內有大量芝士及富肉醬香味，只是味道有點偏甜，如番茄味更濃就更好，「以速食產品來說，味道非常好，絕對會回購的產品」！而小紅書都有不少網紅大讚，芝士份量足能拉絲，不過按說明書上用氣炸鍋的做法略有不熟，建議用焗爐較穩陣！
山姆超市煮食篇食評｜2. 菲利普斯急凍蟹餅
價錢：人民幣149元
推介指數：4/5
蟹餅越南製造，每盒510克，有6個，內含不少於60%蟹肉，每件都有85克重，睇落頗足料，可用平底鍋、焗爐、氣炸鍋翻熱！有Youtuber只以平底鍋簡單翻熱，只需短短約20分鐘就能上碟，切開蟹餅，內裡蟹肉一疏疏很足料，味道剛好，不會過鹹又鮮甜，大讚是懶人西餐之選！而山姆中伏群組亦有網民分享煮法表示「解凍再落平底鑊加油煎脆4邊，會好食1倍」、「我拎個蟹餅黎煮豆苗，好味呀！」
山姆超市煮食篇食評｜3. SmithField 厚切炸豬扒
價錢：人民幣59.9元
推介指數：4/5
一包6片塊豬扒，不用解凍就能放入氣炸鍋加熱，淋上附送的調味醬即可進食！Facebook群組中不少網民都有評論此產品，好壞參半，部分人認為厚切豬扒幾好食，有人甚至「炸豬扒好味，我煮咖喱，所以冇用到佢跟既豬扒汁」、「炸豬扒可以，仲可以食好耐！我會回購」，但就有網民話「厚切豬扒幾好食，但太厚，好難炸到入心」、日「呢款香港凍肉舖都唔係好貴，我樓下賣$88」！
山姆超市煮食篇食評｜4. Member's Mark台式紅燒牛肉麵
價錢：人民幣69.9元/3包
推介指數：4.5/5
小紅書網紅「瓦薩北北」試吃了山姆7種最暢銷的即食麵，當中最高分為「台式紅燒牛肉麵」，試食後他認為紅燒半筋半肉牛肉軟嫩入味，半生麵條順滑Q彈，湯也不錯，直言值得回購；而小紅書亦有台灣網民表示「過了台灣人這關了」！
山姆超市煮食篇食評｜5. 二和嫁嫁禿黃油蟹黃醬組合
價錢：人民幣149元
推介指數：3/5
一盒3樽，每樽100g，共有兩種口味，包括2樽蟹黃醬及1樽禿黃油，前者由6隻螃蟹提取而成，後者是高純度的黃油，比蟹黃醬更矜貴，包裝上建議吃要輕微加熱2-3分鐘，拌上白飯及麵食同吃！據Youtuber「迷路大C。GetLostC」開箱分享，她表示一餐兩碗白飯便用完一整樽醬，雖然確實有蟹黃味，但味道仍未能與真正蟹黃相比，建議自行加入少量辣油或烏醋增添風味，但她揚言未必會再回購！而小紅書普遍食評認為不錯，但略嫌較為油膩！
山姆超市煮食篇食評｜6. 百山祖甜菜羅宋湯
價錢：人民幣89元
推介指數：3.5/5
一盒6包，每包220克，隨盒更隨送6個杯蓋及小湯羹，方便大家在辦公室、露營時隨時享用！羅宋湯可於微波爐、隔水或直接鍋煮加熱，有Youtuber認為份量較細，湯中配料頗多，包括薯仔粒、雜菜、肉碎等，但覺得其味道與一般羅宋湯有別，表示不會回購！至於小紅書幾乎清一式好評，認為酸酸甜甜，大人細路都啱飲！
山姆超市煮食篇食評｜7. 不等蟹黃麵
價錢：人民幣21.3元
推介指數：2/5
「瓦薩北北」先直接試吃一口蟹肉蟹黃，但鮮和香都不是他想要的，拌勻麵條後，蟹味更加是原地消失，整個麵只能吃到微微的蟹香，沒有滿足感，中規中矩，只有7分不能再多，是7種即食麵當中最低分的！更有網民在麵中吃到鋒利的蟹腳，食用時記得小心呢！
山姆超市煮食篇食評｜8. 山姆酸菜魚
價錢：人民幣59.8元
推介指數：1/5
在Facebook的「山姆中伏分享Group」有網民分享山姆酸菜魚「一啲香味都冇，千奇唔好買，都係返深圳食太二酸菜魚」，引來不少同道中人留言：「又腥有臭」、「呃$」、「呢個酸菜魚真係好唔得，最大問題係魚有細骨，要小心d食！」，不論Facebook或是小紅書都負評不絕！
更多相關文章：
深圳山姆超市｜山姆Shopping懶人包 一覽香港點對點接送專車、純玩旅行團、順豐寄運收費、必買清單
深圳旅遊｜Costco超市網民嚴選中伏食品！烤雞又生又黑、九州拉麵充滿「科學味」、烘焙甜品甜到甩牙｜附退換貨攻略
深圳旅遊｜深圳超市6大人氣品牌一覽！山姆、Costco外還有這些選擇 一文睇清超市特色＋門市地址＋營業時間＋推介產品
深圳旅遊｜盒馬鮮生全新4萬呎門市開幕！進駐羅湖商場萬象食家 海鮮即撈即煮即食 交通+營業時間一覽
深圳新年2024｜深圳動物園門票低至65折優惠！一大一小人均$46起 暢遊5大互動區、近距離親親近50種小動物
深圳新年2024｜辦年貨3大集中地！新年裝飾/玩具/零食/鮮花統統都有 另附深圳迎春花市、年貨市集、博覽會
深圳新年2024｜深圳5大商場新春活動一覽！4米巨型金色有錢花/優雅燈籠大街/故宮美學風打卡位 打卡送戲飛/小禮品
深圳新年2024｜深圳新年春節活動推介！睇勻新春燈會/燈籠節/光影藝術節/花車巡遊/美食市集地點＋日子
Trip.com農曆新年2024優惠！1.22日起推出 $1高鐵車票、買一送一優惠＋深圳野生動物園門票低至$95
深圳新年2024｜深圳好去處7大優惠精選推薦！深圳酒店優惠、24小時水療按摩、動物園/海洋世界門票優惠
深圳美食攻略｜香港大廚Ricky、Jacky帶路食勻大灣區！即製手工點心/成都百年老號川菜
