港姐冠軍莊子璇 中學同COLLAR許軼Day同班仲係Friend

尋晚港姐決賽，由被稱為「港版IU」嘅莊子璇(Hilary)以大熱姿態贏得后冠。雖然Hilary曾被傳出係「雙面人」，但憑住夠pure夠true嘅外表、就讀港大同乾淨背景，無礙佢成為新一屆港姐。

有網民發現Hilary嘅IG follower當中，女團成員COLLAR許軼（Day）係其中之一，兩個女仔參加唔同電視台比賽入行，點解會互fo？莊子璇曾經透露，佢同Day係中學同班同學，本身關係幾好仲會一齊玩。莊子璇同Day都係博愛醫院歷屆總理聯誼會梁省德中學嘅畢業生，睇返資料佢哋中六時係同班同學，而莊子璇更代表佢哋嗰班撰寫畢業生感言，似乎係受老師器重嘅好學生。

莊子璇同Day嘅母校位於荃灣石圍角邨，其他藝人校友仲有鄧小巧、TVB藝人游嘉欣、曾效力TVB嘅女藝員王淑玲、樂隊「觸執毛」主音Jan Curious。

相關內容：

｜【有片】港姐決賽紅地氈｜眾星精心打扮現身 劉穎鏇搶鏡贏「婚紗」馮盈盈

｜【香港小姐2023決賽】4位司儀表現網民唔收貨 佳麗與AI生成「老人版自己」對話好恐怖 網民：好彩無AI阿婆泳裝

｜【港姐2023決賽一文睇清】「最上鏡小姐」王怡然奪亞軍 「港版IU」莊子璇大熱奪冠

｜港姐冠軍莊子璇 中學同COLLAR許軼Day同班仲係Friend

｜【港姐2023】陳怡名得個桔 黑臉寸嘴大鬧荒唐：別來惹我

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！