王卓淇離巢後性感大解放 疑真空上陣晒波邊

王卓淇（Erin）喺2014年參選港姐，獲得亞軍後入行，可惜星運平平，上年宣布離巢無綫，轉戰內地抖音平台做KOL及做歌手推出個人單曲《甜蜜送達》，甩港姐包袱後嘅佢可以話係性感大解放，不時上載長腿及性感打扮照片及短片到社交網站，唔少網民仲留言大讚佢靚添呀！自從離開無綫後，王卓淇嘅生活更加多姿多采，喺疫情下仍然可以四圍去，好似最近佢就去咗澳門，期間仲上載身穿性感大露背裙嘅照片，疑似真空上陣，引起網民哄動！

最近王卓淇前往澳門探朋友楊嘉欣兼旅行，期間佢哋仲去酒店歎茶兼瘋狂影相留念，當日佢身穿米白色大露背裙，側身嘅話仲要露出波邊，非常性感。呢輯相一PO上網便引起網民哄動，紛紛留言大讚佢靚同性感，例如「超索，條裙好靚，著得好睇」、「總是那樣的甜跟美，粉絲祝妳天天都快樂。」、「嘩～殺死人咩？Erin , 你真係好索呀！」、「超級性感 so hot」及「你穿得真漂亮！」等等。另外，仲有網民問佢係唔係真空同擔心佢走光，佢仲留言「有貼貼」，間接承認真空上陣。

現年30歲嘅王卓淇喺廣州出世，出身於富裕家庭，爸爸係護膚品生產商。佢自細參加過唔少選美比賽，2014年終於圓夢奪得港姐亞軍，並加入娛樂圈。喺2016年完成演藝進修班後開始拍劇，於處女劇《愛情食物鏈》中經常著熱褲小背心示人，成功獲得觀眾關注。雖然之後佢參演劇集唔多，不過角色令網民留下深刻印象，例如《我瞞結婚了》紀可愛、《十二傳說》鄭曉盈及《那些我愛過的人》龔芊芊等等。去到上年，佢宣佈離開無綫，並宣布推出單曲實現歌手夢。轉戰內地抖音平台做KOL嘅佢，早前被網民指佢「你不像港姐了，你像網紅」，於是佢喺IG出限時動態反擊

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！