瘋傳某女星「光腳拍攝」耍大牌 歐陽娜娜突然中箭

內地近日網上瘋傳一位雜誌工作人員爆料，指有多位女星拍攝時耍大牌，造作多多，更提出唔同「Hints」引網友捕風捉影，當中台灣女星歐陽娜娜就係中箭者之一，因其中一個爆料稱有女星拍攝時不但指定要大牌攝影師，仲一直「找事」，身份線索就指該女星「光腳拍攝」、「代言某品牌」、「成某品牌大使」、「新劇剛播出」等，即被外界推測符合多個線索嘅歐陽娜娜。

爆料者稱，有位女星因為唔想拍攝某項目，但又唔想得罪平台，所以不斷「找事」，包括直接否定整版方案、執意要搵大牌攝影師，導致該項目延後大半年。但最後都係選擇同自己關係好嘅攝影師，就係希望雜誌方可以主動嗌停。

歐陽娜娜工作室即發聲明回應，表示網路上嘅不實訊息帶有極強的引導性質：「我方在此嚴肅聲明，該內容均為造謠」並強調在工作上佢哋都係盡力完成每一個項目，同時「尊重每一位合作老師的付出及成果」。最後更指出，若爆料影響嚴重，將採取法律措施進行維權。