「糭」啱你心意 端午節全新口味+特色糭推介

OpenRice開飯喇
更新日期：

仲有唔夠一個月就係端午節，未買糭過節嘅話，今年開飯仔搜羅咗一系列新口味及特色糭畀大家，無論送畀人定自己食都好合適呀。

今年推出多款端午節龍舟粽，兩款新口味包括金腿蛋黃鹹肉糭同紫薯紫米糭。前者以原片金華火腿加上等五花腩製成，入口肥而不膩，加上優質鹹蛋黃更顯層次；後者選用香甜軟糯嘅紫米加入紫薯，香甜味美又具嚼勁。

鍾意海鮮嘅朋友留意～海膽花膠糉嚴選優質海膽，加配口感軟滑嘅厚肉大花膠，矜貴得嚟鮮味滿滿。另外仲有帶子雙鮮糉，加入厚肉飽滿嘅原粒帶子以及鮮味土魷，鮮中帶甜。甜糉則推介蛋椰咖吔鹼水糉，特選東南亞特色咖吔醬製成蛋椰咖吔餡，椰香濃郁。

今年新推出兩款上海糉，獨特之處在於以濃而不鹹嘅上海醬油醃製糯米，烹調後嘅糯米呈焦糖色，餡料亦相對簡約，主要食糉葉清香同清雅米香。至尊栗子東坡肉糉就用傳統上海名菜東坡肉入饌，口感軟綿嘅糯米包住入口即融嘅五花腩肉，加埋清甜嘅栗子更豐富。

台北遠東香格里拉紫米奶黃流沙糭傳承咗台北遠東香格里拉嘅秘方，紫米同糯米比例適中，內餡為濃郁幼滑嘅奶黃餡，香甜可口。香宮台灣冰晶甜糭禮盒共有三種口味，包括花生、豆沙同香橙熱情果，香橙熱情果果香十足，好清新～

想應節之餘又可以補身，呢款韓式人蔘雞糭就啱晒！以原條韓國人蔘配上嫩滑雞肉、清甜嘅紅棗同栗子，甘甜嘅人蔘精華完全滲入糭內。為咗令口感更輕盈清爽，特別選用含豐富膳食纖維嘅小米代替部分糯米。

使用公平貿易食材，消費同時令小農受惠～首創嘅咖啡溏心蓮蓉鹼水糉，材料選用低糖蓮蓉、公平貿易有機咖啡同糯米，帶淡淡咖啡香，幾有特色。

雲集多種營養豆類，包括綠豆、紅腰豆、鷹嘴豆等，係素食人士嘅健康之選。配搭埋竹笙、冬菇、紅棗、栗子等食材增加口感，輕盈又美味，送畀長輩就最啱！

文：Yanica