舞台劇獎｜康文署拒借場 頒獎禮改餐廳舉行 劇協馮祿德：本初心唔踩犯法嘢 其他人鍾唔鍾意冇得估｜Yahoo

【Yahoo 新聞報道】上屆香港舞台劇頒獎禮遭藝術發展局及康文署「雙重封殺」，拒絕資助活動及提供場地。香港戲劇協會終需自資籌辦今屆頒獎禮，活動今晚（29 日）在灣仔一間餐廳舉行，場地縮水約八成。會長馮祿德指，頒獎禮上致辭等內容不會受影響，「當乜事都無發生過，都係咁樣準備，我哋係合法、合理、合情，唔會話踩任何嘢」，來年亦會繼續申請藝發局資助。

相關報道：
田蕊妮奪劇后：舞台好貴重唔可以消失 黃子華：頒獎禮宜多搞｜Yahoo

上屆頒獎禮於葵青劇院演藝廳舉辦，場地共設 899 個座位。今屆在缺乏官方資助及提供場地下，改在灣仔一間餐廳舉行，僅約 160 個座位，座位數量縮水約八成。

由於現場座位有限，劇協早前指屬「私人活動」，公眾人士及傳媒均未能進場。大會設網上直播，19 個單位、24 個製作，合共 61 位劇場工作者獲提名，角逐 20 個獎項。

馮祿德在典禮前會見傳媒，指今天心情輕鬆愉快，「用平靜心態去進行，相信咁樣處事先會更加順利，同埋世界要繼續轉，希望一切可以好和諧咁發展」。

「我哋揀善嗰邊唔係惡嗰邊，你唔好屈我！」

今屆頒獎禮以「風」為主題，馮祿德解釋指，風有兩面，有「歪風」亦有「和風」，今日的頒獎禮取其善意，「唔好靠估喇，講到明喇，我哋唔係揀黑面而揀白面，揀善嗰邊唔係惡嗰邊，你唔好屈我！」馮指，「風」意指舞台工作者在疫後盡心傾力於藝術創作，「形成一股氣流，匯聚一齊，咪形成風囉，表現不同嘅風格、風采，句句都係正面嘅風字㗎吓！」形容藝術能如風一般滋潤生命、融化人心。

被問到頒獎禮內容有否受資助事件影響，馮兩度強調「當乜事都無發生過」，準備工作依舊，「我哋本乎初心同原則，合法、合理、合情，係唔會踩任何嘢，觸犯咗法律嘅嘢。但至於其他人嘅心情係點，鍾意邊個、唔鍾意邊個，我哋冇得估測，（繼續）順住我哋嘅主題（舉行）」。

地點偏離市區：做起上嚟安樂啲

馮續指，今屆頒獎禮會盡劇場人精神，盡量做到最好，來年會繼續申請藝發局資助，「我哋為全香港市民服務，去申請一啲香港市民嘅公帑係應該好合理，當然如果有咩客觀或者其他理由唔批准，咁到時先算，相信有理由一定會提出」。假如資助再度不被獲批，屆時會根據現實環境作出應變。

為今屆頒獎禮物色場地，馮坦言頗為困難，「我哋要顧忌會唔會影響到香港市民嘅生活，如果間酒家或者酒樓好近民居，一搞起上嚟有咩哄動就唔好啦，又影響公安，到時又多條問題」，故是次地點較偏離灣仔市區，「我哋做起上嚟就會安樂啲」。

今屆提名當中，藝君子劇團《植物人》獲最多 9 項提名，其次為香港話劇團的《史家本第二零二三回之伏虎降龍》及《從金鐘到莫斯科》，分別獲得 7 項提名。

去年上演 49 場、編劇莊梅岩作品《愛我別走》，兩名男主角林海峰、黃子華均獲得最佳男主角（喜劇／鬧劇），二人會與 《史家本第二零二三回之伏虎降龍》的歐陽駿競逐「劇帝」殊榮。田蕊妮亦憑《大離婚日》中一人分演 10 多個角色首次獲提名最佳女主角（喜劇／鬧劇）獎項。演員麥沛東、梁仲恆亦分別憑《各位起筷》及《飯氣攻心》（踏台版）獲提名最佳男配角（喜劇／鬧劇）。

劇協「第 31 屆香港舞台劇獎」去年 6 月舉行，頒獎禮舉行約半年後，才被指活動存在「不妥內容」，遭藝發局扣減去屆資助，亦拒絕再資助今年的頒獎禮。藝發局於今年 1 月發聲明指，主辦方邀請的嘉賓漫畫家尊子及港台前編導蔡玉玲「充滿新聞話題」，大會兩名主持以「意有所指、語帶雙關」手法「引起公眾及媒體注意及製造社會話題」。劇協遭藝發局停止資助後，於 2 月起義賣紀念品為今屆頒獎禮籌募經費。