葡萄友：男人不壞女人不愛 渣男的4種手段

周永恒出道一直以嚟負面新聞真係多不勝數，醉酒藏毒打人樣樣齊，加上10年同阿Yu趙頌茹奉子成緍，除咗有小三之外原來仲打老婆，4年婚姻咁就玩完，成為出哂名嘅賤男渣男。但奇怪嘅係佢變番單身之後感情生活都幾豐富，頻頻換畫，好似同佢夾份開模特兒公司嘅劉依靜Ruby、拍過MV嘅周芷儀、o靚模黃詠珊Cherie，同埋現任嘅內地女Britni，明明佢已經出名賤格又唔係有錢，都仲要撞個頭埋去，唔通真係男人不壞女人不愛？

一味死纏

有部份女性都係比較有矜持同高傲，好多時都未必會好主動同好積極咁回應，避免顯得自己太容易得手。而呢個正係考驗耐性嘅時候，只要夠堅持同恒心嘅話，隨時冰山都被你融化。

口花花

不論本身有無實力，唔少男人都係靠把口搵食嘅人，但如果兩者都兼備就事半功倍，再者有邊一個女性係唔鍾意聽花言巧語同讚美嘅說話? 加上男性大膽啲又厚面皮放得開嘅話，實會冧到唔少女性嘅。

一技之長

有錢嘅話自然會好容易就吸引到異性，但如果無財就睇下有無才啦，呢個才當然就係指才華啦。男人如果好專心做一樣野嘅時候個樣係可以好有魅力，難怪佢前度Cherie就算分手後都話多謝周永恒教佢好多音樂上嘅野就知啦。

刺激感

一般人都追求安穩，但亦有人不甘於安穩同覺得咁嘅生活好無趣，需要追求某種刺激同危險去滿足自己，加上壞男孩(人)更會畀到人一種同社會對抗嘅感覺，而呢個感覺更令人覺得新奇，不過最後結果係點就不得而知啦。

相片來源：周永恒Roy Chow＠facebook