袁嘉敏IG爆Seed炮轟鍾培生父子係人渣 上載豪宅第一視覺：同鍾氏一齊嘅一年係噩夢

37歲袁嘉敏（Candy）一向以34D導彈級身材聞名，亦憑三級片《鴨王》一脫成名，即使近年無咩點喺熒幕亮相，但據聞佢曾住月租4萬嘅半山豪宅，生活依然富貴；今日（1日）袁嘉敏就突然喺IG連續發布3個限時動態，疑似爆Seed炮轟「富三代」鍾培生父子。

袁嘉敏先PO出鍾培生一家三口慶生合照，激動留言大鬧：「I don't think I have ever publicly talked bad about someone. But these two guys Derek and Terence Cheung are absolute jerks, horrendous.（我從未公開講過其他人壞話，但鍾培生同鍾仁偉呢兩個人絕對係人渣，太可怕了！）」及後，袁嘉敏又再上載一張印有「鍾」字利是封嘅照片，又指自己過往一年如同噩夢：「I always try to see the goodness in people, try to be a friend who would listen and be there to help when needed. Sometimes it's fairly disappointing when people are so selfish, superficial and twisted. One year with the Cheung, what a nightmare.（我總係見到人善良嘅一面，成為一個願意傾聽同有需要時幫助他人嘅朋友，但有時人嘅自私、膚淺和扭曲，真係令人好失望。同鍾氏一齊嘅呢一年，真係一場噩夢。）」

最後一張相就疑似公開鍾培生與父母同住嘅淺水灣5層豪宅，並寫道：「Thank you for all the breakfast, lunch and dinner, and the wine. Maybe I owe you two in my past life. No more long chats. I was too kind.（多謝你哋嘅早餐、午餐、晚餐，仲有酒。可能係我前世欠咗你兩個。我唔想再多講，我太善良了。）」去年袁嘉敏接受訪問時曾表示，以前嘅自己好傻，只懂付出真感情，即使有人提出「等價交換」都無接受，話錯過咗好多發達機會，依家諗番有啲後悔咁話。對於袁嘉敏帖文一事，兩者暫時未有再回應。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！