雅虎香港新聞 財政預算案｜餐飲業界指消費券幫助不大「無得真係食餐勁」 旅行社：難有刺激作用
【Yahoo 新聞報道】財政司司長陳茂波今早（22 日）在 2023/24 年度《財政預算案》，宣布派 5,000 元消費券。香港中小企食店聯盟召集人林瑞華直言，消費券對餐飲業界幫助不大。他指 5,000 元消費券分兩期派發，第一期僅得 3,000 元，「唔係有好大嘅刺激作用，無得真係食餐勁嘅」。他相信大型酒家或高級餐廳未能受惠，「要自己貼錢，變相不如我搭車用咗佢算」。加上消費券的領取工具如八達通、支付寶等要求食肆另裝收費系統，規模較小的小店也未必受惠，「未必間間小店有八達通機」。
友利冰室設有多間分店，老闆「爆炸頭」亦形容 5,000 元消費券「好過無」，但對食肆生意刺激有限，「唔夠精準到位」，「好多人都唔會留港消費，係都留返啲錢買機票去旅行」，更笑言消費券「（間接）助長外國經濟仲多」。他指飲食界經歷 3 年寒冬，港人在疫情下即使獲得消費券「唔會突然話要食好啲」，加上現時已經開關，「啲人食好啲都去日本食」。他又指，港人使用消費券的習慣多數用於日常生活，故對餐飲業的影響估計只是「有消費券去食飯就加杯嘢飲」的程度。
東瀛遊執行董事禢國全也認為，一般市民會將消費券用於日常生活，對旅遊業界「或多或少有幫助，但睇唔到刺激到幾多」。現時旅遊業界未全面復常，航空公司的航運力及機場運作狀況估計僅得疫情前的 40%，加上機票費用上升，認為消費券未必直接令旅遊產品銷售額提升，消費券僅有少許「幫補」作用，「啲人唔會因為得 3,000 蚊，而唔揀 4,000 蚊嘅團，亦都唔會話個團 5,000 蚊就唔會去」。
【相關報道】
財政預算案2023｜一文涵蓋政策重點 薪俸稅寬減 消費券5千元分兩期發放
消費券2023｜兩期派五千元 教你用消費券訂機票酒店 即睇發放時間金額
財政預算案2023｜每支香煙煙草稅調高6毫 每包煙售價增至約72元
財政預算案2023｜薪俸稅寬減上限6千元 物業印花稅稅階下調 即睇計法以及慳幾多
