陳嘉寶囡囡首曝光 眼大大似靚媽咪
藝人陳嘉寶(Anjaylia)今年1月為老公黃頌祈(Epaphras)誕下B女Hosanna,榮升人母!今日黃頌祈喺IG首次貼囡囡正面照,仲公開囡囡嘅中文名㖭!
撰文:東方新地|圖片:陳嘉寶ig 、新傳媒圖片
延伸閱讀:
【妻子的浪漫旅行2】相戀27年首次隻身旅行 靚靚喊住向張智霖剖白
【中華小姐2019】香港代表陳曉華奪冠 王慧媛、吳雅珠屈居亞季軍
陳嘉寶囡囡正面照首曝光
今日黃頌祈喺網上晒出囡囡嘅正面照,見Hosanna同媽咪一樣有對大眼睛,個樣又靚又可愛Epaphras話:「最近多咗個新興趣:留喺屋企做攝影師,幫呢位小姐係咁影相⋯我正式宣布:1.我電話就快冇位;2. 我已經被徹底融化…介紹番,呢位係我嘅官方專屬模特兒Hosanna Wong,黃恩言小姐。代過咗滿月冇幾耐嘅佢同各位哥哥姐姐打個招呼,祝大家日日開開心心,身體健康。」佢仲搞笑話「多謝天父佢唔似爸爸」!
A post shared by 陳嘉寳Anjaylia chan (@anjaylia) on Sep 18, 2018 at 2:47am PDT
A post shared by E P A P H R A S ( E P ) (@epaphras) on Mar 1, 2019 at 9:12pm PST
A post shared by E P A P H R A S ( E P ) (@epaphras) on Oct 14, 2018 at 11:52pm PDT
A post shared by E P A P H R A S ( E P ) (@epaphras) on Dec 31, 2018 at 1:49am PST
陳嘉寶囡囡農曆新年前出世
陳嘉寶今年1月喺個人社交網站宣布囡囡喺農曆新年前出世,順利誕女!佢宣布囡囡英文名叫Hosanna,Anjay更代囡囡留言同大家打招呼,指囡囡依家好健康,雖然暫時未能逐一回覆大家嘅留言,但仍感謝大家嘅祝福同關心!
A post shared by 陳嘉寳Anjaylia chan (@anjaylia) on Jan 30, 2019 at 6:22pm PST
A post shared by 陳嘉寳Anjaylia chan (@anjaylia) on Nov 24, 2018 at 10:17pm PST
陳嘉寶Anjay宣布陀B半年
陳嘉寶一向細細粒勁纖瘦,但被發現手腳帶點水腫、肚凸凸,似乎孕味甚濃!而Anjay終於喺網上親自公布喜訊:
「最近我身邊的朋友都在說我很奇怪,問我為甚麼做了運動之後手腳和臉瘦了這麼多,肚子的肉肉卻好像不減反增…現在謎底要給解開了!因為那不是單純的肉肉啊!那可是一個寶寶呀!哈哈……
Anjay在字裏行間似係暗示已陀B半年:
「感謝神的賜予,也要特別感謝我身邊的小天使們在過去半年來貼心的守護,謝謝你們時刻緊盯並照顧着我這個不羈大頭愛自由的人。我會繼續好好努力做好自己,不管是鏡頭前後的那一個身份,都會繼續盡善盡美。謝謝大家對我們的祝福,若果未能一一回覆,請多多包涵。願主祝福各位。」
陳嘉寶到峇里出席鄭嘉穎陳凱琳婚禮時,影相似乎都有刻意遮肚?
陳嘉寶 大牌檔影婚照夠貼地
Anjay嘅婚照終於曝光,影相地點竟然係新郎幾代土生土長嘅長洲,實在令人驚喜!Anjay表示男友家族幾代都係土生土長嘅長洲人,所以決定重返舊地!拍攝地點包括男友由細食到大嘅大牌檔、男友充滿回憶嘅小學等,充滿人情味又有意義!
Studio拍攝夠經典
不過Anjay就更喜歡喺studio影嘅一輯相,佢認為雖然整體比較classic,但就算多年後睇番都唔會覺得過時,而且現場有鮮花十字架布置,配合兩人嘅宗教信仰。另外Anjay自十幾歲就開始做兼職模特兒,放學後經常出入studio,有好多回憶同感情!
延伸閱讀: