陳展鵬結婚了! 今發聲明宣佈迎娶單文柔!

Kiss - 娛樂
Sunday Kiss

【陳展鵬結婚了! 】恭喜!恭喜!今最新娛樂圈堅係多喜事!新鮮滾熱辣!41歲陳展鵬,今日下午突然發聲明,宣佈迎娶28歲落選港姐單文柔!突然得嚟,又好值得開心呀!

撰文:Sunday Kiss 圖片:陳展鵬發相、新傳媒資料室

延伸閱讀:

【親子旅遊】曼谷兒童探索博物館 五大玩樂設施免費任玩

【室內遊樂場】大埔全新 2間室內樂園 (附交通資訊)

去年3月認愛

貴為視帝嘅陳展鵬,去年3月承認與落選港姐單文柔的戀情後,一直都將戀情低調處理。點知今日下晝(10/9),陳展鵬突然向傳媒發聲明,宣布與單文柔結婚,並表示「要盡最大努力去建立一位美滿的家。」而且二人已經喺歐洲影埋婚照,十分恩愛!

單文柔件婚照超低胸,勁Sexy!

陳展鵬結婚聲明如下:

陳展鵬致各傳媒友好

各位親愛的傳媒朋友、各位好友,多謝大家一直對我的支持和包容。今日,好高興同大家宣布,我要結婚啦!

一路以來,我都全情投入工作,直至Phoebe的出現,讓我們感受到幸福和信任。對於感情方面比較傳統的我,是時候用我最大的努力去建立一個美滿的家。多謝大家的關心,希望得到你們的祝福。

展鵬

阿視帝結婚喇!唔知有冇人會覺得傷心呢~

年紀相差13年

現年41歲的陳展鵬,與單文柔年齡相距13年。不過年齡無礙二人的發展,相戀短短半年,佢哋嘅關係已經極速升溫,更被發現同居於展鵬位於將軍澳的寓所同居。

陳展鵬一向對感情事都非常低調,鮮有在社交平台貼相放閃。

那如果好悶嘅時候,大家又喜歡諗乜呢?又咩搞作呢?

A post shared by 陳展鵬(香港) (@rucochan) on Sep 4, 2018 at 7:24am PDT


尋日(9/9)係胡定欣生日,展鵬才承認刪了前緋聞對象胡定欣的IG,並表示:「之前好多媒體對我Ig貼文好敏感,為免拖累其他女藝人都受到牽連,所以我亦都刪除她們的名字比較公平。」


相戀一年多,展鵬與單文柔的感情愈來愈公開,而對於過往的刻意低調,展鵬亦似有歉疚:「感情向來低調處理,佢會比較辛苦,因我之前比較多緋聞同負面新聞,她都在我身邊,希望之後先苦後甜。」點知今日就發聲明宣佈婚訊。


Ruco vision

A post shared by 陳展鵬(香港) (@rucochan) on Sep 30, 2017 at 12:09pm PDT


 

拍《城寨英雄》與胡定欣傳戲假情真

前年《城寨英雄》全城熱捧,劇中拳佬和刁蘭的愛情故事可歌可泣,令煎Pang定欣成為新一代螢幕情侶,其後更齊封視帝視后!當煎Pang遇上恨嫁的定欣可謂一拍即合,戲假成真。

定欣出trip 煎Pang約女

去年長鵬被斷正載一位長髮女摸黑上山頂,呢位女伴正是16年落選港姐單文柔!報道指煎Pang當晚出動其日本經典復刻版Toyota越野車到中環,並由單文柔負責落車買咖啡同嘢食,來來回回行幾轉,都好抵得諗,唔係港女喎!

當時定欣出trip到吉隆坡
當時定欣出trip到吉隆坡

被斷正方寸大亂

之後長鵬驅車上太平山山頂,未知係咪因為有女伴在旁,加上夜深人靜,所以左泊右泊,最後揀咗一排過咪錶位的中間位,似乎想喺山頂美景下開餐!當記者上前影相時,煎Pang一臉愕然,表現騰雞,閃閃縮縮咁撥低車廂太陽擋遮樣。反而在旁的單文柔表現淡定,未有遮樣俾記者任影。

撞車後絕塵而去

被發現後,展鵬想以最快速度閃人,入波倒車時竟然未有留意路面情況,一下撞咗落記者採訪車,將採訪車右方車頭攞至凹陷!一輪擾攘之後,煎Pang就揸車絕塵而去。

煎Pang回應

事後煎Pang喺IG出post,留言:「所謂的成熟,就是遇到突如其來的事,都要冷靜應對,處之泰然,屬真屬假都可以一笑置之。」另外又話明白每個行業都有自己的崗位,但希望大家可以有多一份尊重,工作時要小心為上,注意安全。不過今次載女上山頂事件中,有咩係真有咩係假?另外煎Pang寄語大家工作時要注意安全,係咪希望大家唔好學佢,撞到人架車然後走咗去?

 

另外定欣窗早前亦喺IG出po,字裏行間透露似乎有人唔誠實,唔知係講緊邊個呢?

26歲的單文柔係16年港姐佳麗,不過樣貌、身材都係平平凡凡,仲有塊好突出的包包面,所以能夠入選最後十強都算係爆冷。最後單文柔未能得到任何獎項,但落選後不時都被無綫派去出席公開活動,算是漸漸踏入娛樂圈。

自公開戀情後,單文柔所受壓力頗大,早前喺訪問中表示過,做展鵬背後嘅女人唔容易,不過好在展鵬係一個體貼嘅人,不時會為佢分憂,令佢可以舒服地做番自己。


雖然話低調,但係單文柔有時偷雞PO吓同展鵬嘅合照。



延伸閱讀:

全港53間直資私小學費一覽 10大學費最平直資私立小學

其他內容