【電影LOL】三代蜘蛛俠蜘蛛女新版《蜘蛛俠3》碰頭 八爪博士再現

再三拍成電影版嘅《蜘蛛俠》而家已經拍緊第三集，十幾年間三個版本故事差唔多，點先有新意吸引觀眾入場？

外媒最新報導，喺2004年上映嘅《蜘蛛俠2》入面嘅奸角八爪博士，將會喺呢一代嘅《蜘蛛俠3》再次出現，而且確定由Alfred Molina繼續飾演。至於喺2014年《蜘蛛俠2：決戰電魔》飾演電魔嘅Jamie Foxx都會回歸，但係佢話今次個角色唔係藍色，言下之意即係唔會再演電魔，抑或有其他綽頭？

《復仇者聯盟4︰終局之戰》前，好幾套Marvel 大片都已經安排其他英雄人物現身，鋪定多條伏線，觀眾就算對《Marvel隊長》、《美國隊長》興趣唔大，為咗睇清楚《復仇者聯盟》終極一戰人物來龍去脈，都會買飛入場。但係《終局之戰》過後嘅《蜘蛛俠》仲可以點玩？就係搵幾代蜘蛛俠crossover！

暫定下年12月上映嘅《蜘蛛俠3》會有奇異博士現身，有佢嘅扭轉時空異能，故事立即多好多玩法。而Jamie Foxx早前喺IG爆料，話劇組會搵上兩代蜘蛛俠Tobey McGuire同Andrew Garfield，甚至前兩代「蜘蛛女」Kirsten Dunst 及Emma Stone都會上陣，卡士當堂升晒呢。到底點安排佢地出現，好值得期待！

而奇異博士新片就計劃喺《蜘蛛俠3》上映後一個月（2022年1月）上畫，另外以紅女巫同幻視為主角嘅網劇WandaVision亦會喺呢個月登場，3個故事怕且會係有所連結先有咁嘅部署。下年冬天Marvel迷好唔得閒！

更多電影文章

【電影LOL】明年新片戲院網上同步上映惹非議 華納得罪《天能》導演 伙伴擬入稟阻撓

【電影LOL】Monster Hunter電影版 因為MC Jin 一句對白被指「辱華」要立即落畫

【電影LOL】華納宣布明年新片 戲院、網上同步放映

【電影LOL】男神Benedict搭影后Jodie Foster The Mauritanian踢爆美軍不人道一面

【電影LOL】Ellen Page宣佈成為跨性別人士改名Elliot 細數歷年好戲力作