【電影LOL】Ellen Page宣佈成為跨性別人士改名Elliot 細數歷年好戲力作

主演過《Juno少女孕記》、《潛行凶間》等多套荷里活猛片嘅影星Ellen Page,尋日喺Twitter發文宣佈自己係跨性別人士(Transgerder),並改名為Elliot Page,並請大家以後以「他」(him/they)做稱呼。一向勇於為多元性取向(LGBQT)社群發聲嘅Eillot,發文多謝支持佢嘅家人朋友,亦不忘點出社會對跨性別人士嘅歧視所帶來的可怕後果,內文提及單係2020年美國因為跨性別身份而被殺害人數就有40位。

發文一出得到多位包括《復仇者聯盟》嘅Mark Ruffalo、《X-Men》Huge Jackman及樂壇小天后Miley Cyrus等明星力撐。Elliot係荷里活其中一位公開出櫃並勇於為同志爭取權益嘅影星之一,就算開放如美國,公開出櫃都有機會賠上自己嘅銀色事業,但佢自覺作為公眾人物有責任為群體出一分力,希望改變LGQBT社群待遇。

童星出身嘅Elliot,2007年憑獨立電影《Juno少女孕記》嶄露頭角。戲中佢飾演嘅Juno因為想一嘗禁果滋味,決定同死黨毒男一試雲雨,點知一擊即中!少女懷孕無慌失失橫衝直撞,反而冷靜接受仲好清晰地拒絕家人干預,當年Eilliot憑呢個獨立又有啲怪里怪氣嘅角色橫掃各大頒獎典禮提名,仲同《粉紅色一生》嘅Marion Cotillard爭過奧斯卡最佳女主角!

成名後參與荷里活鉅製包括於《變種特攻:兩極爭霸》、《變種特攻:未來同盟戰》飾演Kitty Pryde,又喺Christopher Nolan執導嘅《潛行凶間》飾演負責夢境設計嘅Ariadne。電影喺全球成功為Elliot帶來更大名氣,不過佢無因為名利而埋沒自己真性情。2014年因為受主演電影《愛是最大權利》(Freeheld)啟發,決定喺人權組織舉辦嘅Time to Thrive活動上公開出櫃。

《愛》由康城得獎導演彼得蘇列特執導,改編自真人真事,Julianne Moore飾演立功無數的警探Laurel,一直因小鎮的保守風氣而沒有公開性取向,直至她遇上了年輕率直由Elliot飾演嘅Stacie,兩人展開了同居生活,並註冊成合法伴侶。但不久Laurel患上末期肺癌,希望離世前能把房子及公積金遺留給摯愛,可惜多次申請仍被官員拒絶,她決定用最後的時光,為自己及愛人爭取應有的權益。

出櫃後Elliot主演更多同志角色,包括同好友Kate Mara合演嘅《傷愛的日子》(My Days of Mercy),講述佢地飾演嘅死刑犯女兒Lucy及警察女兒Mercy家庭背景、政治立場南轅北轍卻又互相吸引嘅故事。電影入圍BFI Flare倫敦同志影展及墨爾本酷先影展及香港同志影展等。

Elliot出櫃後作品不斷,最新仲有喺Netflix受歡迎劇集《雨傘學院》中飾演力量強大,可以音樂殺人嘅7號Vanya Hargreeves!劇集第2季好評如潮,爛蕃茄網錄得90%新鮮度,發表跨性別宣言後無阻Elliot繼續主演第3季,Netflix更表示會更新其片庫紀錄做Elliot Page以支持佢嘅取向!

更多電影文章

【電影LOL】疫情影響戲院再度停業 一文睇晒各大院線安排

【電影LOL】迪士尼又翻炒拍新版《寶貝智多星》原版導演狠插︰浪費時間

【電影LOL】下一個兒童界巨星 會係呢隻Clifford The Big Red Dog?

【電影LOL】《大白鯊》25呎道具鯊魚復修完成 放入電影博物館

【電影LOL】范冰冰聯同國際級女星壓陣 The 355押後一年上映

【電影LOL】香港電影金馬獎得獎 《夜更》《迷航》2種抗爭角度