【電影LOL】范冰冰聯同國際級女星壓陣 The 355押後一年上映

【電影LOL】范冰冰聯同國際級女星壓陣 The 355押後一年上映
【電影LOL】范冰冰聯同國際級女星壓陣 The 355押後一年上映

講咗n次「受新冠疫情影響」,結果我地依然係受新冠疫情影響,好多大片都延期上映,今日又有一套啦!

仲記唔記得「國際范」范冰冰喺2年前嘅康城影展,係威係勢咁同另外4位國際級女星,包括謝茜嘉卓絲婷(Jessica Chastain)、彭妮露告魯絲(Penelope Cruz)、瑪莉安歌迪勒(Marion Cotillard)及雷碧達昂高(Lupita Nyong’o ),一字排開俾記者影相嘅畫面?嗰次就係宣傳佢地5位合作嘅新片The 355。

【電影LOL】范冰冰聯同國際級女星壓陣 The 355押後一年上映
【電影LOL】范冰冰聯同國際級女星壓陣 The 355押後一年上映

五旦陣容,仲要各自代表唔同國家唔同種族,基本上係target地球上七大洲嘅觀眾,宣傳更寫明係「由《叛諜追擊》出品公司呈獻」,呢鋪仲唔實食冇黐牙?結果……sorry,原定喺美國出年一月排喺馬丁路德金紀念日假期上畫,而家嘛,「受新冠疫情影響」,延期1年上映,2022年見~

【電影LOL】范冰冰聯同國際級女星壓陣 The 355押後一年上映
【電影LOL】范冰冰聯同國際級女星壓陣 The 355押後一年上映

The 355本來真係幾值得期待,故事係講頂級武器落入僱傭兵手上,CIA特工搵4位各有長處嘅女子組成部隊355走勻全世界追尋下落,去到上海就有個中國女特工睇落似係接應但又似係暗中監視佢地一舉一動,真係敵我難分。電影預告片已經出街,5位有演技嘅女星剛中帶柔殺出重圍,娛樂性應該相當唔錯。

【電影LOL】范冰冰聯同國際級女星壓陣 The 355押後一年上映
【電影LOL】范冰冰聯同國際級女星壓陣 The 355押後一年上映

不過The 355之前都有唔少新聞,首先傳過喺香港拍攝,但係似乎只係得個「傳」字;而佔一定戲份嘅范冰冰喺接拍之後,就因為稅務問題「神隱」一段時間,有傳劇組本來打算易角,後來終於拆掂。好嘞,到宣傳品出街,海報用上各位女角國籍嘅國旗,因為有中國國旗出現,有內地網民認為有觸犯國旗法之嫌。

【電影LOL】范冰冰聯同國際級女星壓陣 The 355押後一年上映
【電影LOL】范冰冰聯同國際級女星壓陣 The 355押後一年上映

本身搵得「國際范」,都係想打入中國市場,而家內地戲院雖然重開但元氣大傷,加上范冰冰嘅瓜葛未知仲有冇手尾,可能影響中國上畫批文。而家延期一年上畫,話唔埋係好事。

更多電影文章

【電影LOL】今個星期睇咩戲《無聲》《怪胎》《無價之寶》《夜香‧鴛鴦‧深水埗》《凶屋32》

【電影LOL】范冰冰聯同國際級女星壓陣 The 355押後一年上映

【電影LOL】香港電影金馬獎得獎 《夜更》《迷航》2種抗爭角度

【電影LOL】《神奇女俠2:1984》鐵定聖誕檔 銀幕串流平台同步上映

【電影LOL】失聰學校集體性侵事件 台片《無聲》睇到超窒息