電影LOL︳《28日後》上映20年 第三集28 Months Later劇本寫好 男主角有意歸隊

諗返呢一兩年嘅抗疫日子，有段時間成條街冇人，就好似喪屍片場面一樣，自不然會諗起《28日後》呢套近代喪屍片經典。唔覺唔覺今年係套戲上畫20周年，雖然喪屍片經過早幾年荷里活大力吹捧之後變成聽到都膩嘅類型，但係呢兩年幾過後，可能會令觀眾對喪屍片有返新睇法。

《28日後》導演Danny Boyle 早前接受NME訪問，透露《28日後》同《28週後》嘅延續篇28 Months Later，已經由第一集嘅編劇Alex Garland寫好劇本，而《28日後》男主角Cillian Murphy亦有意參演。

《28日後》講述速遞員一覺醒來發現身處醫院，卻發現唔單止醫院，就連成個倫敦都空空如也，佢先知道差唔多成個英國嘅人都被一種神秘病毒感染，唔少人因此死亡。而病毒源頭係來自大學入面用作研究嘅黑猩猩。喂，係咪好似曾相識？《28日後》仲要20年前已經預言未來，結果……唉。而2007年嘅《28週後》就延續《28日後》病毒喺英國肆虐嘅處境，主力描寫疫情下人與人之間嘅生死博弈。

所以28 Months Later應該都係將《28日後》嘅病毒大流行、《28週後》喪屍殺出英國嘅鋪排進行延續。Danny Boyle 話好希望再次執導呢個故事，並且會繼續喺英國取景，亦會拍出好英國嘅戲。

訪問中Danny Boyle 提到，而家要觀眾入戲院唔易，除非好似Marvel英雄片又或者《壯志凌雲︰獨行俠》咁大製作，先至叫得郁大家，但係Danny Boyle 有信心28 Months Later可以吸引觀眾。

更多電影文章

電影LOL．今期睇咩戲︳致命24小時／黃金大逃獄／紐約愛音鱷／屍殺32／萬里歸途／搜救／黎巴嫩1982

電影LOL︳《BJ單身日記》系列有望開拍第4集 BJ做人阿媽仲搞姊弟戀

電影LOL︳為演路易十五 Johnny Depp變無鬚大媽 開工遲到激親導演

電影LOL︳Tom Hardy力撐老友 小編劇升呢做《毒魔》第3集導演

電影LOL︳亨利卡維爾回歸《超人》 Netflix《獵魔士》第4季易角由雷神細佬頂上

電影LOL︳AV女優冇嘢撈 轉行打摔角 《女優，摔吧》女主角真軍演出係咁叫

電影LOL︳DC終於搵到話事人 撬走Marvel《銀河守護隊》大腦

電影LOL︳The Rock成功爭取 亨利卡維爾正式宣布再演超人

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！