電影LOL︳《當男人戀愛時》拍泰國版 BL劇男神Bright演蠱惑仔溝死女

好劇本值得一拍再拍?改編自2014年韓國電影《不標準情人》嘅台片《當男人戀愛時》,台灣票房破紀錄大收4.1億台幣,成為台灣史上10大賣座愛情電影!

《當》戲內又笑又喊,戲外則甜蜜到不得了,電影票房口碑雙收,男主角邱澤憑角色成為台北電影獎最佳男主角之外更收穫真愛,同女主角許瑋甯因戲生情仲結埋婚添!

流氓老粗為愛情一反常態,為女赴湯蹈火出錢出力,守護女孩至生命盡頭。咁嘅設定慘得嚟又睇得好sweet,為愛情付出所有嘅情節亦唔會過時,難怪吸引到多地翻拍,今次故事落到泰國人手,單睇選角已經好想睇!

泰國GMM Grammy已經購入故事版權,相信腐女對GMM一啲都唔陌生,因為佢哋出過多部超人氣BL劇,包括亞洲掀起熱潮嘅《只因我們天生一對》、《黑幫少爺愛上我》、《只是朋友呀朋友》及泰版《流星花園》等,排住隊仲有泰版《如果30歲還是處男,似乎就能成為魔法師》!

拍腐劇非常成功嘅GMM最近擴展版圖,開拍偶像劇、腐劇以外題材,頭炮改編《當男人戀愛時》成The Interest不容有失,搵嚟公司福將Bright做男主角,而女主角則由《神速特攻隊》混血女神YaYa 飾演。

泰版近日出咗初版預告,整體氛圍同台版好唔同,暫時未見愛情元素,反而有大量Bright型住打人及被人狂打嘅場面,女主角喺最後一秒先現身!Bright戲中經常著花恤衫又有紋身,台版邱澤都係咁著出台味,不過可能Bright太有型靚仔,老土花恤衫都變潮物,好難想像佢要施展渾身解數先追到女!

更多電影文章

電影LOL.今期睇咩戲︳過時過節/哥兒們/骨肉的總和/奇異大世界/刀劍神域劇場版

電影LOL︳已洗27億!《狂野時速10》嚴重超支 成本拍得住《復仇者聯盟》

電影LOL︳Anne Hathaway《走佬俏公主》拍第3集 展現公主中女生活?

電影LOL︳迪士尼大地震 前CEO Bob Iger回巢 現任衰呢2單大嘢要敗走?

電影LOL︳Lindsay Lohan變洋版李婉華 拍聖誕愛情片搏反彈

電影LOL︳預告繼續爆肌繼續跳 《光豬舞壯士3》出年情人節同你搶女友

電影LOL︳新海誠極催淚新作《鈴芽的門鎖》日本開畫打低《黑豹2》

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!