雅虎香港新聞 電影LOL︳又一套長片名台片 《請問，還有哪裡需要加強》黑幫大佬洗頭洗到出……
台片《關於我和鬼變成家人的那件事》香港成績亮眼，片中主演許光漢、林柏宏、王淨等親到香港答謝各位影迷。提到受歡迎嘅台片，不得不提九把刀嘅《那些年，我們一起追的女孩》，大收超過6000萬，一度成為香港最賣座嘅華語片。
九把刀電影作品不斷，套套都叫好叫座，最新作品有作為台北電影節開幕片《請問，還有哪裡需要加強》。電影改編自九把刀小說《精準的失控》其中一章，由合作過《月老》嘅宋芸樺主演，而同九把刀合作無間嘅柯震東亦會參與，飾演其中一個男手下。
電影貫徹九把刀作品風格，屬又笑又喊嘅愛情片。故事講述黑道大哥泰哥（玖壹壹主唱春風飾演）因為幫派鬥爭而避走至阿芬（宋芸樺飾）嘅髮型屋，多得阿芬幫手掩護先逃過一劫執返條命。 為咗答謝阿芬，泰哥叫哂佢嘅跟班去幫襯阿芬剪頭髮。
就係咁剪下剪出真感情，身在江湖嘅泰哥，忙於喺愛情與復仇之間尋找平衡！以髮型屋做背景，男主角及一眾飾演佢跟班嘅男演員，無一倖免需要整誇張髮型。春風平時剃光頭多，為咗角色戴咗大量假髮，造型由長黑髮到爆炸頭咩都有，仲要不停被洗頭！而女主角宋芸樺特別學習剪髮技巧，務求似個識識地嘅初哥髮型師。
電影將由韓國Barunson E&A代理全球發行版權，呢間公司製作過《上流寄生族》，並將其帶到世界舞台、攞埋康城金棕櫚及奧斯卡大獎嘅幕後推手，認真犀利！《請》將會係Barunson E&A首部代理嘅非韓語片，電影有望衝出亞洲！
更多電影文章
電影LOL︳搶人才！DC主腦爆料︰會帶《銀河守護隊3》演員去拍新《超人》
電影LOL︳徐克版《射雕英雄傳》落實開拍 肖戰演郭靖 新人莊達菲演黄蓉被嫌唔夠俏？
電影LOL︳X-Men靈魂人物 神級韓裔漫畫家Jim Lee出任DC漫畫主席
電影LOL︳超多星助陣 蝙蝠俠Robert Pattinson新片演極變態殺人狂 搵說客推動修例務求再落手
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
