電影LOL︳台片《車頂上的玄天上帝》周渝民一人分飾兩角 化老妝扮林依晨 轉頭變男友連場「激戰」

台灣人文氣息豐富，多姿多采嘅文藝活動吸引大量港人遊台。全新台片《車頂上的玄天上帝》集齊文青愛好，由「零負評」台劇女神林依晨及一眾台灣男神周渝民、阮經天、張孝全等主演，仲有侯孝賢監製！

《車》為侯孝賢導演御用美術指導黃文英首部執導長片，黃導演前前後後用咗十年撰寫《車頂上的玄天上帝》劇本。電影紀錄咗三代人嘅信仰，亦同時係導演老家百年歷史故事，導演簡述「創作靈感源自記憶與恩念，玄天上帝係佢公公嘅信仰，家族侍奉咗6代嘅神明，衪代表咗安定及對阿公嘅恩念」。

電影講述對待感情與工作一樣固執的電影美術指導芙月（林依晨 飾），因為父親病重暫離劇組工作和糾結的愛情，放下正在改建的台北古宅，返回故鄉嘉義。在老家陪伴父親的日子裡，家中信仰的玄天上帝牽引她對阿公的思念和記憶。芙月的心日漸澄明，找回了人生價值以及面對未來的力量，看見了更好的自己。

林依晨搭周渝民、阮經天，一女二男不過無編出三角戀，因為阮經天飾演從事土地開發嘅「聿先生」雖然有錢有品味又暗戀芙月（林飾），不過女方因為價值觀不同，只願與對方做談天說地嘅好朋友。芙月一心喺建築師男友身上（周渝民 飾），男友嘅專業、沉穩內斂及淡定似足其外公。林依晨及周渝民戲中有大量激情戲碼，林少有露背演出，拍攝期間試過太激而被導演喊停，因為導演需要唯美嘅愛情戲！

周渝民除咗飾演芙月男友，更分飾芙月外公，為咗演活在1930年代嘉義火車站前的「二通」（今中正路）經營旅社，歷經大時代更迭嘅外公，劇組特技化妝團隊每次用至少3個半小時化老妝。周渝民配合40年代造型，特意鏟平頭裝並染白頭髮，團隊嘅用心令「阿公」面部細紋及表情非常自然。

黃文英曾七度入圍金馬獎，更憑藉著《海上花》、《刺客 聶隱娘》分別獲得最佳美術設計與造型設計獎項，美感一流，加上電影搵嚟金像獎攝影余靜萍拍攝，配上林強、雷光夏、楊琬茜等製作嘅音樂，畫面音樂絕美！台前幕後超強組合，電影有份參展現正舉行嘅香港亞洲電影節（HKAFF），有興趣嘅朋友唔好錯過。

更多電影文章

電影LOL 今期睇咩戲︳花月殺手／4拍4家族／他馬克老闆／陪月／盛夏餘燼

電影LOL︳國產電影《你好，李煥英》獲片商買入版權拍荷里活版

電影LOL︳不滿迪士尼拍政治正確版《白雪公主》美國媒體開拍傳統版抗衡 有返王子公主愛情故事

電影LOL︳天后演天后 Angelina Jolie新作演女高音 遭遇坎坷過梅姐

電影LOL︳Taylor Swift Eras Tour演唱會電影打破Michael Jackson紀錄 周末全球票房破億美元

電影LOL︳又關Amber Heard事？ 水行俠Jason Momoa被爆飲醉開工兼想飛起拍檔

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！