電影LOL︳盛傳《闔家辣》開續集搶賀歲檔 呂爵安 吳君如 鄭中基 梁詠琪加古天樂復刻《嚦咕嚦咕新年財》？

去年防疫措施陸續解除後，港產片形勢大勇，多套電影票房收入超過三千萬。其中由MIRROR 成員Edan呂爵安、吳君如、鄭中基及梁詠琪主演、由賀歲檔延遲到暑假嘅《闔家辣》，以3270萬嘅成績，成為年度港片票房五甲之一。

有報導指，身兼監製嘅吳君如成功拉攏《闔》主要班底開拍續集，並有意搶佔明年賀歲檔，仲搵埋客串嘅古天樂參演一角。而題材據講係打麻雀，令人聯想到經典港片《嚦咕嚦咕新年財》。

《闔家辣》故事以年青導演鄭晉軒(Coba)嘅經歷改編，因為喺疫情期間父母百無聊賴，於是諗到將阿媽親自出手製作嘅辣椒醬當成商機，從而令一家人一齊打拼嘅故事。片中由Edan飾演Coba、鄭中基及梁詠琪演佢父母，而君如就飾演姑媽一角。

暫時未知《闔家辣》續集會唔會沿用上集嘅角色人物設定，但據報《闔》監製及導演鄒凱光將會新片執導。而同Edan傳出緋聞、戲中Coba女友袁澧林暫時未知會否歸隊。

早前Edan個唱上，「姑媽」吳君如同「老豆」鄭中基都有上台做嘉賓，君如更以戲中健康舞衫造型出場，除咗撐Edan之外，相信亦係想搶先宣傳試水溫。而《闔家辣》慶功時，君如已經即場宣布原班人馬開拍賀歲片《闔家打麻雀》，本來爭取今年初上映，仲話會有神秘巨星現身。而古天樂慶功當日都有現身，明晒！

《嚦咕嚦咕》上映多年後仍然係賀年必睇港片之一，假如《闔家辣》續集有齊《嚦咕嚦咕》兩位主角梁詠琪同古天樂，論話題性已經夠搶，唔知會唔會搵埋劉德華同劉青雲客串？

更多電影文章

電影LOL︳鯊魚咬人係收視保證？新片The Black Demon成Amazon Prime最受歡迎節目

電影LOL 今期睇咩戲︳怨泊／叛諜裁判3：終極一戰／藍色巨星／尋根女團／熱烈／速戰

電影LOL︳搵老友記扮超能戰隊 《邀阿公阿嬤拍B級殭屍片》紀錄過程好笑又催淚

電影LOL︳床戲多是非更多 HBO宣布The Idol一季玩完

電影LOL︳迪士尼籌拍《魔髮奇緣》真人版 傳《奧本海默》小三Florence Pugh演長髮公主

電影LOL︳荷里活演員罷工影響浮現 《沙丘瀚戰2》《哥斯拉對金剛2》延遲至明年上映

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！