雅虎香港新聞 電影LOL︳Will Smith新片12月上映 奧斯卡提唔提名有分歧 評審：唔x投佢！
2022年轉眼去到10月，年頭奧斯卡頒獎禮Will Smith掌摑Chris Rock呢一幕，好似隔咗一世咁耐，原來才不過大半年前嘅事！
呢巴掌之後，Will Smith辭去主辦奧斯卡嘅美國影藝學院(AMPAA)成員一職，學院亦決定禁止Will Smith參加頒獎禮十年。
同一晚做咗影帝嘅Will Smith，事後當堂要潛水，直到近期先為Apple TV＋新片Emancipation 出席放映會先蒲頭。本來Apple喺Will Smith出事後叫停呢套戲嘅推出計劃，外界認為等件事攤凍都好嘅。但係早前Apple居然搞放映會，已經估到套戲可能好快會上。結果日前Apple真係宣布，Emancipation 會喺今年12月2日戲院上映，12月9日Apple TV＋上架，行內人唔少都跌眼鏡。
假如冇嗰一巴，Emancipation 條命可能當堂唔同晒。故事以著名照片Whipped Peter所衍生，講述Will Smith飾演嘅黑奴Peter，如何從冷血僱主手上逃出生天。呢幾年平權意識高漲，講黑奴歷史嘅戲，唔難被頒獎禮評審睇高一線。
而Emancipation又真係得到唔少正評，咁就弊嘞！套戲爛，大家視而不見由佢沉落咸水海就話啫，但係戲好的話，評審應唔應該支持﹐尤其是Will Smith？外媒Hollywood Reporter訪問來自不同界別嘅奧斯卡評審，了解佢地對Emancipation嘅投票意向。
大部份受訪者話，唔會因為掌摑事件罷睇Emancipation，以及支持電影中各個表現值得提名嘅單位。至於應唔應該提名Will Smith，行內人就好有保留，有唔願開名嘅演員認為，套戲應該擺多陣先出，而家去睇，好難避免唔去諗起打落Chris Rock度嗰一巴。更有行內公關大人好直接唔俾面Will Smith話「x佢啦，唔投！」。
Emancipation擺得年尾放，對獎項一定有野心，但係行內人明顯仍然對Will Smith唔收貨，似乎Apple要努力拉票嘞。
更多電影文章
電影LOL︳魅笑／龍珠超劇場版：超級英雄／好狗不見了Haw／一台殺戲／MOONAGE DAYDREAM
奧斯卡台上爭取平權遭荷里活排擠 美國原住民演員Sacheen Littlefeather逝世
電影LOL︳國產TOP GUN 王一博主演《長空之王》上畫3日前突然被撤
電影LOL︳尋回香港曾經的美好 張艾嘉21年後再演港產片《燈火闌珊》
電影LOL︳Netflix節目巡禮TUDUM披露 《天才少女福爾摩斯2》 Emily in Paris映期
電影LOL︳古天樂宣佈香港班底製作《明日戰記》前傳動畫 2025年有得睇？
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
