電影LOL︳12月飛東京動漫節睇星！同新田真劍佑Benedict Cumberbatch合照唔駛2千蚊

動漫節已經成為電影宣傳重點活動，美國每年舉辦嘅動漫展（Comic Con）成為超級英雄電影宣傳必備據點，近幾年直情成為漫威及DC專屬活動，全個「復仇者聯盟」齊齊出席記者會，偶爾又有與粉絲單對單嘅互動節目，對影迷嚟講，好玩過奧斯卡頒獎禮多多聲！

香港嘅朋友參加美國動漫節，無論機票住宿及票價都唔易負擔，好彩仲有東京漫畫節（Tokyo Comic Con）！今年12月舉行東京漫畫節，請嚟喺荷里活發展、主演《One Piece》劇集、《聖鬥士星矢》電影嘅日本靚仔演員新田真劍佑擔任宣傳大使。粉絲只需要另付15000萬日元（約783港元）就可以得到同佢單人合照4張，或者親筆簽名4張！

除咗新田真劍佑外，備受香港觀眾喜愛嘅英國男神Benedict Cumberbatch及Tom Hiddleston都會出席同粉絲單對單合照或簽名。不過男神各自有價，Benedict Cumberbatch貴絕各影星，合照門票叫價33000萬日元（約1700港元）而Tom就平少少，門票29800日元（約1500港元）！

其他出席漫畫節舉行粉絲見面會嘅巨星包括《蟻俠》「黃蜂女」女星Evangeline Lilly、《銀河護衛隊》「螳螂女」Pom Klementieff、《回到未來》男星Christopher Lloyd、英國男星Ewan McGregor及丹麥男神Mads Mikkelsen！可惜以上影星見面會門票己售罄！

Benedict Cumberbatch見面門票於今日（11月7日）發售，Tom Hiddleston同新田真劍佑嘅門票則於明日11月8日開售，相信男神魅力無限，掀起搶飛潮！

見面會門票一啲都唔平，不過根據以往ComicCon紀錄，通常Fans要求唔過分的話都有求必應，Die Hard粉絲如果俾1700蚊就可以攬住、拖住男神零距離影相、互動，比起同路人逼喺首映禮紅地毯匆匆一瞥難忘同有意義得多，負擔得到嘅朋友不妨試試搶飛！

更多電影文章

電影LOL 今期睇咩戲︳白日之下／周處除三害／夜校／Taylor Swift: The Eras Tour／數碼暴龍02 The Beginning

電影LOL︳80年代經典笑匠 丹尼迪維圖有意拍《掟阿媽出火車》續集

電影LOL︳《真的戀愛了》編劇再寫佳節故事 Genie釋放二千年精靈爆笑魔法

電影LOL︳張孝全王丹妮演影集重現苦力血淚史 下月赴中美洲開工

電影LOL︳龍年賀歲檔港產片混戰 郭富城林家棟任賢齊《臨時劫案》迎戰《盜月者》《飯戲攻心2》

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！