電影LOL︳龍年賀歲檔港產片混戰 郭富城林家棟任賢齊《臨時劫案》迎戰《盜月者》《飯戲攻心2》

嚟緊農曆年賀歲片實在精彩，忍唔住跳過聖誕檔期先行介紹！暫時鐵定上映嘅賀歲片分別有Mirror成員姜濤、呂爵安Edan及盧瀚霆Anson Lo主演嘅《盜月者》，仲有郭富城、林家棟、任賢齊主演嘅《臨時劫案》以及《飯戲攻心2》！

上年由黃子華、鄧麗欣、王菀之、林明禎、張繼聰、陳湛文主演，陳詠燊執導嘅《飯戲攻心》大放異彩，即使因疫情而要由農曆年改期到中秋先上畫一樣勁收7000幾萬。今年再接再厲推出續集，當然觀眾最關心《飯2》會唔會原班人馬上陣。不過6位主角當中，除咗本身無IG嘅黃子華，個個都有出post宣傳，照理應該好大機會齊人，但會係咩形式出現？

早前電影官方網站以喜帖形式出Post續集陣容，驚喜發現多咗好戲嘅胡楓、黎彼德、謝君豪、蔣志光、羅蘭及米雪加入長輩陣，兼且仲有何啓華（Dee）、胡子彤飾演嘅表弟同堂細佬，仲有靚仔Jeffrey魏浚笙客串，單睇陣容喜氣十足。

另一套備受關注嘅賀歲片係由「鏡仔」姜濤、Anson Lo及Edan主演嘅《盜月者》。3位人氣偶像分別參與過電影演出，fans力撐之下暫時各人作品票房成績相當不俗。上年Edan差啲以《闔家辣》首試賀歲檔，最後因為疫情防控措施改為暑期電影，票房一樣理想大收3000萬。

3位首次合體拍電影，加上袁劍偉執導，仲有張繼聰白只嘅參與，相信呢套東京取景、地下市場買賣名錶嘅犯罪電影會成為鏡粉賀歲首選。《盜》早前出咗角色海報及預告片，舞刀弄槍之餘相當有喜感。

最驚喜要數郭富城、林家棟、任賢齊主演嘅《臨時劫案》，3位主演近年少有喜劇演出，單睇陣容即時諗起《掃毒》、《風暴》類型電影！《臨》繼續揸槍搶劫，郭富城唔做警長改演哨牙悍匪，林家棟飾演無膽怕事的士司機，而任賢齊則飾演善良老人院社工，被逼做刧匪！

電影充滿黑色幽默，預告片一開場就見笑容可掬嘅郭富城講「我請你哋去打劫，講多謝」，仲好體貼咁「邊個中槍就補一槍，唔好辛苦兄弟」，咁有原則嘅賊好少見！

而家數埋就有3套港產賀歲片，早前仲有傳《闔家辣》續集《闔家打麻雀》都會以原班人馬強攻賀歲檔，但係而家未有聲氣。假如《闔》加入戰團的話，嚟緊新年有4日假，睇晒4套港片，剛剛好喎。

更多電影文章

電影LOL 今期睇咩戲︳韓戲逼人／玩具熊的五夜驚魂／吸血鬼船／第八個嫌疑人／祈憐之歌

電影LOL︳拍唔成《蜘蛛俠》大衛芬查自爆同片商恥笑原著故事好低B

電影LOL︳Britney Spears自傳爆 曾為《忘了、忘不了》試鏡 演技揮低黑寡婦Scarlett Johansson

電影LOL︳台灣導演侯孝賢被爆患腦退化症導演生涯終結 舒淇主演《刺客聶隱娘》成最後作品

電影LOL︳台片《車頂上的玄天上帝》周渝民一人分飾兩角 化老妝扮林依晨 轉頭變男友連場「激戰」

電影LOL︳不滿迪士尼拍政治正確版《白雪公主》美國媒體開拍傳統版抗衡 有返王子公主愛情故事

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！