電影LOL︳拍唔成《蜘蛛俠》大衛芬查自爆同片商恥笑原著故事好低B

而家超級英雄片由票房靈藥變成票房失靈藥（未至於毒藥嘅又）﹐可能因為作品太多個元宇宙又太大太闊要睇好多套劇同戲先跟到。回想廿幾年前，由第一代蜘蛛仔Tobey Maguire擔正做《蜘蛛俠》，物以罕為貴，叫好又叫座，導演Sam Raimi從此升呢。

原來2002年版《蜘蛛俠》，曾經考慮搵《七宗罪》、《搏擊會》嘅大導David Fincher執導。David Fincher影像風格凌厲，而且講故事技巧一流，由佢拍《蜘蛛俠》應該會更驚世駭俗，點解拍唔成？

近日David Fincher為執導嘅Netflix影集 The Killer宣傳受訪，講新作之餘一定會講舊史，佢話當時自己同片商Sony 提出，跳過主人翁Peter Parker被蜘蛛咬到然後成為蜘蛛俠呢個情節，直接將故事起點定於Peter成為大人後。「被蜘蛛咬」可以話係成個《蜘蛛俠》故事成立嘅重要環節，唔要？片商一定會問點解，David Fincher憶述自己當時回應話「因為呢個情節好低B囉」。結果？唔使問啦。David Fincher到而家都認為，即使「被蜘蛛咬」對好多《蜘蛛俠》迷而言好緊要，但佢就係唔想咁拍，仲話「我成世人大把嘢想做，拍一隻藍綠相間嘅蜘蛛？唔係囉」。

David Fincher多年前受訪都提過，假如佢拍《蜘蛛俠》，頭10分鐘會用MV形式拍攝，交代Peter Parker身世、Uncle Ben過身等成長過程，而故事直接由Peter遇上大學時期對象Gwen Stacey開始。如果真係咁拍，即係將《蜘蛛俠》第一集戲份拎走大半咁滯，咁難怪片商唔搵David Fincher做導演。

更多電影文章

電影LOL 今期睇咩戲︳韓戲逼人／玩具熊的五夜驚魂／吸血鬼船／第八個嫌疑人／祈憐之歌

電影LOL︳Britney Spears自傳爆 曾為《忘了、忘不了》試鏡 演技揮低黑寡婦Scarlett Johansson

電影LOL︳台灣導演侯孝賢被爆患腦退化症導演生涯終結 舒淇主演《刺客聶隱娘》成最後作品

電影LOL︳台片《車頂上的玄天上帝》周渝民一人分飾兩角 化老妝扮林依晨 轉頭變男友連場「激戰」

電影LOL︳不滿迪士尼拍政治正確版《白雪公主》美國媒體開拍傳統版抗衡 有返王子公主愛情故事

電影LOL︳天后演天后 Angelina Jolie新作演女高音 遭遇坎坷過梅姐

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！