電影LOL︳台灣導演侯孝賢被爆患腦退化症導演生涯終結 舒淇主演《刺客聶隱娘》成最後作品

外媒IndieWire報導驚人消息，台灣導演侯孝賢宣布唔再拍電影！據報喺10月23日，倫敦一場放映侯導1985年作品《童年往事》嘅活動上，出席嘅電影學者Tony Rayns於會上透露，侯導將會退休唔再掌鏡嘅消息。

IndieWire 其後向侯導相熟朋友及電影策展人George Crosthwait求証，據知侯導受失智症影響將會停止工作。侯孝賢導演唔再執導，不過仍然為合作良久嘅美指、黃文英首部執導長片《車頂上的玄天上帝》監製。

侯導上年宣傳文學紀錄活動「他們在島嶼寫作」時，仲講緊即將為由舒淇主演嘅新片《舒蘭河上》勘景，並表示會放手俾舒淇自由發揮角色造型，估唔到最終拍唔成，而同舒淇合作嘅《刺客聶隱娘》成為侯孝賢導演生涯最後作品。

侯導退休舉動貌似突然，其實有跡可尋。其台北辦公室已停業兼遣散員工，只不過並沒就健康及退休特別作公開聲明，本來低調處理，估唔到因為海外特別放映活動而公開，仲成為外媒頭條。

侯孝賢導演1980年代台灣新浪潮代表導演之一，由梁朝偉主演嘅《悲情城市》榮獲1989年威尼斯國際影展金獅獎； 1993年憑《戲夢人生》榮獲康城影展評審團獎； 2015年舒淇主演《刺客聶隱娘》榮獲康城最佳導演殊榮，2020年獲台北金馬獎頒發終身成就獎，侯導電影藝術成就驕人。

更多電影文章

電影LOL 今期睇咩戲︳花月殺手／4拍4家族／他馬克老闆／陪月／盛夏餘燼

電影LOL︳台片《車頂上的玄天上帝》周渝民一人分飾兩角 化老妝扮林依晨 轉頭變男友連場「激戰」

電影LOL︳國產電影《你好，李煥英》獲片商買入版權拍荷里活版

電影LOL︳不滿迪士尼拍政治正確版《白雪公主》美國媒體開拍傳統版抗衡 有返王子公主愛情故事

電影LOL︳天后演天后 Angelina Jolie新作演女高音 遭遇坎坷過梅姐

電影LOL︳Taylor Swift Eras Tour演唱會電影打破Michael Jackson紀錄 周末全球票房破億美元

電影LOL︳又關Amber Heard事？ 水行俠Jason Momoa被爆飲醉開工兼想飛起拍檔

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！