電影LOL︳Britney Spears自傳爆 曾為《忘了、忘不了》試鏡 演技揮低黑寡婦Scarlett Johansson

喊到傻嘅純愛電影曾經喺2000年代盛行一時，日本有《世界中心呼喚愛》、《一公升眼淚》；韓國嘅《抱擁這分鐘》，深情苦戀喊到豬頭咁。荷里活當時都有拍，好似《P.S 我愛你》及由Rachels McAdams及Ryan Gosling主演嘅《忘了、忘不了》（The Notebook）。

《忘》故事講述在熱鬧的嘉年華會夜晚，年輕貌美的愛莉（Rachel McAdams 飾）認識了帥氣可愛的諾亞（Ryan Gosling飾），雖然家世背景懸殊，但他們彼此吸引、無法自拔。然而二次世界大戰的爆發，無情烽火硬生生迫使兩人離散…

電影改編Nicholas Sparks暢銷的同名小說，門不當戶不對仲要加上戰亂被逼分離嘅初戀令人難忘。《忘》2004年上映時大受歡迎，捧紅埋2位當時仲係年輕新演員嘅主角，直至今日《忘》依然長據最好睇愛情片片單上，魅力驚人。

電影上映差唔多20年，原來當時女主角人選係樂壇天后Britney Spears及Rachel McAdams之爭！Britney近日出自傳The Woman in Me，大爆情史之餘仲敍述事業相關點點滴滴，其中包括為《忘了、忘不了》試鏡！

當時Britney已知男主角為其童星年代The Mickey Mouse Club拍檔Ryan Gosling，因為舊同事再度合作而有興趣一試。電影負責選角嘅導演Matthew Berry向The Daily Mail証實相關消息，仲指當年有眾多女星爭奪「愛莉」一角，Britney試鏡演技震懾眾人，更打敗當時有份試鏡嘅Scarlett Johansson、Claire Danes、Amy Adams、Jamie King 及Mandy Moore！

最後女主角成為Britney及Rachel之爭，不過Britney主動放棄，因為佢麻麻地鍾意戲中40年代嘅戲服，加上佢之前螢幕處女作Crossroad，深明自己投入角色後難以抽身，容易陷入角色中戲假情真，所以決定唔再演戲！如果當時有演技老師專業指導，會唔會今日多個影后Britney Spears？

更多電影文章

電影LOL 今期睇咩戲︳韓戲逼人／玩具熊的五夜驚魂／吸血鬼船／第八個嫌疑人／祈憐之歌

電影LOL︳台灣導演侯孝賢被爆患腦退化症導演生涯終結 舒淇主演《刺客聶隱娘》成最後作品

電影LOL︳台片《車頂上的玄天上帝》周渝民一人分飾兩角 化老妝扮林依晨 轉頭變男友連場「激戰」

電影LOL︳國產電影《你好，李煥英》獲片商買入版權拍荷里活版

電影LOL︳不滿迪士尼拍政治正確版《白雪公主》美國媒體開拍傳統版抗衡 有返王子公主愛情故事

電影LOL︳天后演天后 Angelina Jolie新作演女高音 遭遇坎坷過梅姐

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！