電影LOL︳《真的戀愛了》編劇再寫佳節故事 Genie釋放二千年精靈爆笑魔法

年尾又係holiday movie旺季。《真的戀愛了》編劇Richard Curtis再有聖誕應節新作，本月22日將於美國串流平台Peacock推出由《凸務MADAM》、《小魚仙》女星Melissa McCarthy主演嘅Genie。

做得聖誕電影一定以家庭為重，溫馨大團圓結局，今次Melissa化身成因為誤會被巫師鎖喺首飾箱2000年嘅精靈。以往一直被召喚為貪心人變金、變美色嘅佢，意外被中年男子Bernard Bottel（Paapa Essiedu飾）釋放。百變精靈遇上佳節前失業失婚嘅雙失中佬，精靈決定用魔法幫男人改變命運！

《真的戀愛了》自2003年推出以後成為節日經典，逢聖誕必有人提起，Richard Curtis之後編寫嘅佳作不計其數，《BJ單身日記:愛你不愛你》、《回到最愛的一天》、《媽媽咪呀！》及《緣來自昨天》等套套大受歡迎，事隔多年再次推出聖誕電影，影迷大表興奮。

Genie唔算新劇本，電影其實引申自Richard 1991年為電視節目撰寫嘅劇本Bernard and the Genie，電影版嘅Bernard因為大著重工作而忽略家庭，忘記咗個女生日成為太太提分居嘅最後導火線，點知為工作失家庭最後連工作都背叛佢，佳節前被老闆（Alan Cumming飾）炒魷魚。

失意期間喺空蕩嘅家搵出首飾箱放出精靈，仲同佢周圍參觀補返錯失2000年嘅時間，禮尚往來精靈用佢嘅法術挽救人生。笑料當然集中喺被困2000年嘅精靈度，預告片可見佢用廁所水洗頭，攞條底底當彈弓又食消毒洗手液，稍嫌少少老土，不過節日打溫情、友情牌都夠！

更多電影文章

電影LOL 今期睇咩戲︳白日之下／周處除三害／夜校／Taylor Swift: The Eras Tour／數碼暴龍02 The Beginning

電影LOL︳張孝全王丹妮演影集重現苦力血淚史 下月赴中美洲開工

電影LOL︳龍年賀歲檔港產片混戰 郭富城林家棟任賢齊《臨時劫案》迎戰《盜月者》《飯戲攻心2》

電影LOL︳拍唔成《蜘蛛俠》大衛芬查自爆同片商恥笑原著故事好低B

電影LOL︳Britney Spears自傳爆 曾為《忘了、忘不了》試鏡 演技揮低黑寡婦Scarlett Johansson

電影LOL︳台灣導演侯孝賢被爆患腦退化症導演生涯終結 舒淇主演《刺客聶隱娘》成最後作品

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！