電影LOL︳張孝全王丹妮演影集重現苦力血淚史 下月赴中美洲開工

《初戀慢半拍》、《一頁台北》導演陳駿霖有新作，今次聯同資深電影人朱美蓮創作統籌，韓裔製片人李仁兒（In-Ah Lee）擔任監製，由張孝全、王丹妮主演，加上哥倫比亞演員兼電視名人Mauricio Henao、古巴知名演員Camila Arteche及Sian Chiong參演嘅新作Coolie（苦力）即將開拍。

台前幕後都係電影人，不過今次唔係拍電影，而係一套8集嘅跨國合作、中英文迷你劇集。故事講述1800年代中期，古巴種植園主開始販運來自亞洲、特別是中國的契約僕人，俗稱「苦力」，並將他們當奴隸對待。

Coolie以此為背景，講述來自中國的女孩遠嫁在古巴甘蔗園工作的政治流亡者，並結識一位反對奴隸制度的園主，在中國苦力和非洲奴隸幫助下密謀脫離西班牙帝國統治，爭取獨立︒

張孝全戲內飾演政治流亡者，繼《一頁台北》及《10+10》中的短片《256巷14號5樓之1》後，第3度與陳駿霖導演合作。而首次拍劇嘅王丹妮今次要用英文演戲，甚有挑戰性，為角色做足準備嘅佢特別搵老師練習英文，亦搵咗謝君豪指導演技，非常認真敬業。

劇組將於12月出發到多明尼加共和國以及巴拿馬特地拍攝約4個半月。Coolie屬國泰電影公司旗下處女作，製片人朱美蓮向外媒The Variety表示佢一直想拍苦力嘅故事，以戲劇還原歷史，其中感情與人際角力放於今日社會依然值得借鏡。至於Coolie會係邊個平台播映，就要留意住劇集最新消息啦！

更多電影文章

電影LOL 今期睇咩戲︳韓戲逼人／玩具熊的五夜驚魂／吸血鬼船／第八個嫌疑人／祈憐之歌

電影LOL︳龍年賀歲檔港產片混戰 郭富城林家棟任賢齊《臨時劫案》迎戰《盜月者》《飯戲攻心2》

電影LOL︳拍唔成《蜘蛛俠》大衛芬查自爆同片商恥笑原著故事好低B

電影LOL︳Britney Spears自傳爆 曾為《忘了、忘不了》試鏡 演技揮低黑寡婦Scarlett Johansson

電影LOL︳台灣導演侯孝賢被爆患腦退化症導演生涯終結 舒淇主演《刺客聶隱娘》成最後作品

電影LOL︳台片《車頂上的玄天上帝》周渝民一人分飾兩角 化老妝扮林依晨 轉頭變男友連場「激戰」

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！