AI尹光唱林家謙同姜濤作品 網民笑爆大讚「高科技傑作」

之前介紹過AI技術「殺入」香港歌壇,有網民開po分享話,將所有歌以AI變成陳奕迅把聲,就係香港樂壇未來出路,仲post左多首「AI陳奕迅」演繹別人的歌,唔少人都讚有水準。甚至連已故Beyond主音黃家駒嘅獨特歌聲,都有人用AI重現,令樂迷倍加懷念。

林家謙
AI尹光唱林家謙《一人之境》笑爆 網民大讚「高科技傑作」
AI尹光唱林家謙《一人之境》笑爆 網民大讚「高科技傑作」

近日再有人將AI技術玩到另一層次,就係「移植」草根歌王尹光嘅聲線,唱出林家謙溫柔之作《一人之境》!呢首惡搞版有晒光哥唱歌尾音嘅「呀」、「唏」,加埋外放式嘅唱法,同林家謙嘅版本完全唔同。網民大讚呢個版本係「高科技傑作」、「尹老師不用假音,直接硬上真音」、「第一句已經感受到廟街嗰種孤獨感」,亦有人希望掉翻轉想聽「AI林家謙」唱尹光嘅《少理阿爸》同《荷李活大酒店》。

尹光版Dear My Friend
尹光版Dear My Friend
姜濤
姜濤

仲有一首由「AI尹光」唱出嘅係姜濤作品Dear My Friend, ,同樣都有「呀」呢啲光哥風格ad lib,不過有網民認為首歌係姜濤唱俾已故摯友,拎嚟玩似乎有欠尊重喎。

有自稱姜糖話鍾意
有自稱姜糖話鍾意
亦有人唔buy
亦有人唔buy

不過細心一聽,呢個「AI尹光」版似係有人扮光哥唱,多過真係搵AI整出嚟。另外有專家提出,呢個「AI尹光」可能係由製作者先模仿尹光唱其他人嘅歌,之後再用AI嚟將「真.尹光」把聲套落去。估計製作者唱功麻麻有走音同甩咀,所以令AI版都「失準」。你地又覺得係唔係真AI? 定真係有人搵「真.尹光」翻唱?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!