雅虎香港新聞 陳茂波稱短期要靠旅遊撐經濟｜曾俊華憂香港將借貸度日｜Belgravia Place 撤辣首盤即日沽清｜佘詩曼複式豪宅曝光｜3 月 4 日・Yahoo 早報
早晨！今日係 2024 年 3 月 4 日星期一。預測本港地區今日早上大致多雲，有幾陣雨。早晚部分地區有薄霧。最高氣溫約 21 度。吹和緩至清勁偏東風，初時離岸及高地間中吹強風，稍後轉吹和緩東南風。
財政司司長陳茂波上周發表完《財政預算案》，他接受電視節目訪問時稱，本港經濟主要動力來自出口、消費和投資，但面對地緣政治格局變化，海外需求減弱，出口受壓，要推動經濟增長，短期需靠旅遊作為「把手」，帶動消費，因為本港正進入經濟產業轉換期。他亦在網誌撰文透露，過去數天已相繼有團體表示有興趣贊助無人機或煙火滙演活動，也有餐飲及零售商正積極籌備新一輪宣傳活動，希望透過不同措施，打造更多獨特的旅遊亮點，讓訪港旅客「留得耐一啲、使錢盡情啲」，刺激本港日夜市道。
不過另一邊廂，前財政司司長曾俊華亦在他社交媒體評論，稱「自問我都算係一個樂觀嘅人，但係當你見到自己頭家，財政狀況每況愈下，都咪話唔擔心」，指新一份預算案已經令人憂慮「香港將要借貸度日」，而且出現了結構性財赤，形容如果最終庫房空虛，後果要由「子子孫孫去承受」。
社區組織協會上月訪問 306 名低收入劏房戶，約四成受訪者擔心業主藉垃圾徵費，加收垃圾費或租金；近四成人亦擔心居住大廈或附近沒有足夠的垃圾桶扔垃圾，引致嚴重衞生問題。社協建議政府分四階段試行垃圾徵費，由政府部門及樓宇開始，最後才到舊區三無大廈，並建議政府每月最少派 30 個指定垃圾袋給所有劏房住戶。
大坑勵德邨邨榮樓一個單位發生火警，現場發現一具燒焦的遺體。昨晚近 10 時，邨榮樓一個高層單位起火。消防到場出動一隊煙帽隊及一條喉灌救，大約半小時後將火救熄，其後在發現起火單位的睡房發現 87 歲男住戶，他在現場被證實死亡，死因有待驗屍後確定。初步調查懷疑，單位內有未熄滅的煙頭意外點燃雜物，引起火警。火警期間有大約 75 名住戶自行疏散到安全位置。
【今日重點新聞】
信報：陳茂波：出口受壓要靠旅遊撐經濟 放煙火帶動零售餐飲 有團體擬贊助
Yahoo 新聞：預算案︱曾俊華憂香港將借貸度日、債冚債 後果「由子子孫孫去承受」︱Yahoo
香港電台：勵德邨邨榮樓火警 87 歲男住戶死亡 疑因未熄滅煙頭引起火警
財經方面，「撤辣」後首個全新盤，深水埗恒基 Belgravia Place 第 1 期，於昨日首輪發售138伙，結果開出紅盤，約4小時沽清，是自去年8月後，近7個月再有新盤即日首輪沽清。發展商即晚加推208個單位，本周四（7日）作次輪發售。
在樓市全面「撤辣」後，有意見擔心樓價會再度飆升，發展局局長甯漢豪承認，近日感覺到樓市活躍程度提高，認為是好事，強調政府十分「有底氣」，一旦看到樓市太過熾熱，政府有土地在手，可以推出市場增加供應，故市民毋須擔心要再「捱貴樓」。她又表明政府造地的決心，不會因外在經濟環境或地產市場活躍度而受到阻礙。
【今日重點財經新聞】
娛樂方面，「三料視后」佘詩曼（阿佘）憑劇集《新聞女王》再創事業巔峰，一舉一動更係備受曯目。從「香港小姐」入行至今逾20年嘅佢，同時更係圈中嘅小富婆，據悉現時剩係喺香港阿佘就已經有5個物業揸手，遍布港九新界外，市值超過一億。而日前，更有網友喺社交網透露自己去阿佘新屋作客嘅同時，仲意外曝光豪宅客廳嘅室內設計。
藝人李龍基未婚妻王青霞（Chris）早前被控涉逾期居留、使用虛假文書等6項控罪，現正還押於大欖女懲教所，李龍基則風雨不改每天探訪。身在台灣的歌手甄妮之前有評論事件，李龍基回應話，「我盡量都唔睇嗰啲報道」，又指「佢又有少少失敗，應該早早知道我識得扮豬，其實我由頭到尾都係豬。」
【今日重點娛樂新聞】
東方日報：「三料視后」佘詩曼複式豪宅曝光 過億物業遍布港九新界
