【電影LOL】今期睇咩戲 《F9狂野時速》玩哂 仲有日本好戲《間諜之妻》

佛誕震撼彈一定係「結衣BB」新垣結衣同星野源呢對「逃恥CP」假戲真做宣佈結婚，婚訊一出震碎亞洲唔少影迷嘅心。治療失戀不外乎聽下慘情歌、飲返杯食好西，又或者睇啲令人熱血沸騰嘅電影！今個星期終於有超級大片，系列票房不停刷新票房紀錄嘅《狂野時速》，電影因為疫情關係，片期一改再改，依家終於上映！

《F9狂野時速》

阿當一家過著隱居生活，但好景不長，他「失散」多年的車神殺手親生細佬雅各自動搵上門，隨即引爆連場國際級大災難。為擊破雅各守護所愛，阿當馬上召集原班隊友回陣，走遍英、美、日，殺出阿塞拜疆、格魯吉亞；舊友復現，前債再臨，「一家人」沖擊真正試煉，阿當誓要改寫歷史！手車再快，能否衝破過往枷鎖？

賣點：個個星期都有海量新片上映，今個星期全世界讓位，得《F9》一套大片上，你就知片商及戲院對佢寄予厚望。今集繼續瘋狂飛車仲上埋太空，吓，飛車可以上太空？劇情唔駛合理，睇完勁high就得！好興奮呀！

《間諜之妻》

太平洋戰爭前夕，以生活在神戶的福原聰子（蒼井優 飾）為主角。故事描述日本持續戰爭的動盪時代下，她的丈夫優作（高橋一生 飾）於滿州得知了可怕的國家機密後，為了正義而想將真相告知全世界。因為他的暗中活動，而被憲兵隊扣上間諜嫌疑，聰子也因丈夫被懷疑是背叛者而被指控為間諜之妻，但因她深愛丈夫，決定做出與他共赴生死的驚人抉擇…。導演黑澤清：「一直想著總有一天要以戰時下的個人為主題，終於得以如願實現。」

賣點：唯一敢同《F9》同期上嘅新片，片種同《F9》大相逕庭。電影榮獲威尼斯最佳導演銀獅獎，講述大是大非面前如何抉擇，加上導演黑澤清，好戲之人蒼井空、高橋一生主演，黃金組合帶俾觀眾另一種心靈震撼！

更多電影文章

【電影LOL】奧斯卡得獎作《醉美的一課》拍美國版 里安納度做主角 會唔會變《醉爆伴郎團》？

【電影LOL】《老友記》25週年特集下周推出 Lady Gaga BTS客串陣容勁到喊

【電影LOL】外媒勁眼利 中央台一幅圖睇出 Marvel新片《尚氣》《永恆族》可能被內地封殺

【電影LOL】瘦到背脊見骨！彭于晏減磅拍《熱帶往事》演變態殺人犯

【電影LOL】被指白人主導兼恐同 電視台、影星齊齊杯葛金球獎 湯告魯斯退還獎座

【電影LOL】玉女Lily James演90年代波神 還原荷里活明星性愛片流出事件

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！