雅虎香港新聞 本地品牌「曲奇四重奏」無懼經濟不穩 逆市照開旺角分店！創辦人前港姐謝寧：香港人要堅持
現在人人都說市道差，但是本地曲奇品牌「曲奇四重奏」卻無懼經濟不穩，宣布旺角店正式開業，到底為甚麼？即睇Yahoo Food專訪：
「呢度租金要40萬個月，其實係好大膽，但有危就有機。」曲奇四重奏創辦人 謝寧
想帶份手信給外地朋友？不少人都會想到無論是遊客還是香港人，都相當受喜歡的蝴蝶酥，而要數到出名做蝴蝶酥的店家，由前港姐謝寧在2008年創辦的「曲奇四重奏」絕對榜上有名。品牌默默耕耘，但其實早已在國際上打起名堂，除了成功開拓至內地、台灣及澳門市場，近日更無懼逆市，於旺角投資過百萬開分店，看着大家的疑惑，面對過大風大浪的謝寧這樣說：「有危就有機，香港人要堅持。」
👉🏻全新Yahoo Food Instagram上線啦！立即Follow獲取更多飲食攻略
有危即有機 希望為行業打入強心針
「呢度租金要40萬個月。」對於在旺角開分店，大家第一個問題都是，不會太冒險嗎？「其實係好大膽，但有危就有機，而家市道咁差，成本可能會低啲，而且開舖有助刺激市場或者行業，雖然而家開舖唔容易，但希望香港人大家都要堅持。好似我都希望今次都可以為曲奇呢個行業打個強心針，亦希望可以吸引更多人嚟旺角。」依然保養得宜的謝寧說。
旺角店最搶眼的，要數浮誇的蝴蝶酥瀑布牆，牆上放置了品牌多款口味的蝴蝶酥，問到品牌蝴蝶酥賣點是否多口味？謝寧非常肯定地說不，「我哋嘅賣點係手工，好多人做蝴蝶酥，但做得唔好嘅原因，係捉唔到個神粹，蝴蝶酥唔可以太甜但又唔可以無味，仲要每一塊都有啲焦糖，其實好難。」她說，「一塊好嘅蝴蝶酥，邊位一定要「令」身，中間唔可以係白色，白色即係未熟，食落去鬆化。」
店內招牌的蝴蝶酥，包括黃金焦糖蝴蝶酥、朱古力蝴蝶酥、金芝麻蝴蝶酥、榛子蝴蝶酥、抹茶蝴蝶酥跟伯爵茶蝴蝶酥口味。
為年輕人推出全新副線 清華大學美術學院設計包裝
不想被市場淘汰，唯一的方法就就是進步，謝寧深明這個道理，因此花上大半年時間研究迎合年輕人口味的「傳奇系列曲奇」，當中希望以特別跟創新的口味配搭去吸引食客，好像有近年大熱的生椰拿鐵、花生醬蔓越莓杏仁、日本德島縣柚子黑朱古力等，「夏威夷果仁曲奇係我最愛之一，今次配搭咗椒鹽，食落有口感之餘，亦多咗啲椒鹽香。」謝寧介紹，而且為了令大家加深對品牌的印象，特意找來清華大學美術學院創作全新天鵝包裝禮盒，「蝴蝶酥都係心形，天鵝都係心型，希望會令人記得。」
現在經濟不穩下，大家比往日更加小心翼翼投資跟找尋發展機會，而曲奇四重奏卻決定勇敢邁步向前，「其實我覺得曲奇同蝴蝶酥永遠都唔會衰落，好似我鍾意飲咖啡，就鍾意有甜點去襯，呢啲甜點永遠無得輸。」謝寧笑說，「我哋嘅生意已經超越以往。」有人說經濟就是一個循環，只要看準時機，怎樣的投資環境都有機會是良機，只是看你有沒有這個勇氣踏前一步。
有多款全新口味的曲奇，希望將品牌年青化。
曲奇四重奏（旺角店）
地址：旺角西洋菜街1號福泰大廈地下2-4商鋪（地圖按此）
電話：3618 8730
營業時間：星期一至星期日 10:00am-10:00pm
全新訂座平台「Yahoo訂餐廳×Openrice」正式上線！
更多旺角美食推介
台灣過江龍烤肉店燒肉Smile進駐旺角！最平$128午市套餐 任食韓式小菜沙律吧
旺角美食｜台灣第一連鎖火鍋店過江龍「築間幸福鍋物」登陸香港 必試鎮店王牌招牌石頭湯
日本人氣炸三文治專門店「Age.3」首間海外分店駐旺角新世紀廣場MOKO 超過15種獨特口味！（附餐牌）
旺角甜品｜韓國雪冰甜品店Nun聯乘柴犬工房！柴犬主題打卡雪奶刨冰+窩夫鬆餅+曲奇
旺角美食｜入潮店食星馬菜！必試大蝦炒粿條／黑醬油蘿蔔糕／菠蘿蜜刨冰
旺角美食︱心機雲吞麵店「六喜見」店主自創蝦湯+魚湯雙湯底 自製鱔仔乾豬肉丸+手打蝦丸
旺角美食︱鰻魚飯專門店炭火即燒！$100有找食到即製炭燒鰻魚+牛舌飯
旺角美食︱人氣咖啡室BEANS朗豪坊開新店 推介龍蝦汁燴沾麵/原條八爪魚鬚蟹膏飯
旺角美食︱荃灣抵食香草吉列牛「初見」殺入旺角！高峰日賣六十份
旺角美食︱金鶴拉麵進駐旺角！必食3cm激厚鰻魚飯/期間限定100g A4和牛西冷極濃牛骨湯+新店拉麵買一送一/送餃子或炸雞
旺角美食︱新派甜品店「小點角落Bite by Bite」開幕！新店指定日子限時半價 必食打卡豆腐花／雞蛋仔
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
