沈月劉秀樺為何超欣慶祝生日 網民發現名門千金共通點 留意個鼻！

沈月、劉秀樺同何超欣三位富二代感情相當唔錯，早前一齊行街po相之外，早前沈月為爸爸沈嘉偉旗下時裝品牌喺上海嘅活動做model行catwalk，劉秀樺同何超欣都飛到當地支持好友。完show之後沈月同劉秀樺為本月12日生日嘅何超欣慶生。

後生女gathering之後梗係po相，沈月就發文祝好友生日快樂，大讚對方人美心善。「你除了外表美麗， 你內心也是非常的漂亮，我想全世界都知道你有多好！多謝你做一個咁好嘅朋友，你會關心世界、也會體恤別人的感受、和我有什麼想法你都支持！你咁忙都專程飛過來上海看我行show, 我真係好感動！我覺得有你做我閨蜜我好幸運，我哋有好多美好嘅回憶 ，也非常期待以後我們的更多的精彩！我愛你呀 欣欣。再次祝你生日快樂」。

網民圍觀之餘仲有開心大發現，有人留言話留意到3位千金小姐都有個共同點，就係個鼻！睇真啲，3位除咗鼻頭有肉仲見唔到鼻孔，唔知係咪富貴秘密？亦有網民留意到，15歲嘅秀樺雖然比起沈月（22歲）同何超欣（25歲）細一截，但就認為佢會係潛力股，日後顏值不輸2位姐姐！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！