港姐冠軍謝嘉怡拳王表哥車禍離世 IG上載合照悼念

謝嘉怡（Lisa）2020年以大熱姿態勇奪香港小姐冠軍及最上鏡小姐，成雙料冠軍。中英混血兒並擁有深邃輪廓嘅謝嘉怡更被大讚係近年最美港姐之一。雖然佢嘅觀眾緣不俗，不過幕前工作量唔算多，現時經營個人頻道。近年，佢愛上打泰拳，仲不時喺社交網站上載打泰拳嘅照片，原來佢嘅堂兄Andrew Tham係一名職業拳擊冠軍級選手，不過Lisa喺前日出PO悲痛公布堂兄Andrew Tham離世消息。

根據外國媒體報道，謝嘉怡堂兄Andrew Tham喺英國Lenziemill Road 附近嘅公路揸電單車時與一架私家車上撞，受重傷三日後離世。而Lisa就喺個人社交網站出PO，上載與堂兄嘅照片及發文悼念：「I always question whether or not to post more personal things on my page, but in the end, we are all only human. This week we lost an incredible soul, one of the funniest and kindest people people you could meet. I only have the fondest of memories, from every birthday party to chasing the dogs around the caravan park whilst everyone else slept, to teaching me how to box so I would be allowed to go to my first festival, to catching up when I'm home talking about life, training and our ambitions. The list goes on and on, I’m so thankful for the 28 years of our lives we got to experience together. To one of my favourite mixed cousins Andrew, you will always be missed and forever be the Scottish champ」（我經常有個疑問就係應唔應該喺網上公開私人事，但其實我哋都係普通人。呢個星期我哋失去咗一個好出色嘅靈魂，一個最搞笑同埋最善良嘅人。我只有最美好嘅回憶，由每次生日派對去到曾經一齊追狗，教我點樣打拳等我可以去參加我第一個節慶 ，當我返屋企時同我傾下人生、訓練同埋我哋嘅抱負。呢個清單仲未完 ，我好感激我哋共同經歷嘅28年生活。給我最親愛的混血堂兄Andrew，你永遠活在我們心中，永遠係蘇格蘭冠軍。）

網民得知消息後，紛紛到謝嘉怡IG留言悼念Andrew Tham。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！