雅虎香港新聞 銅鑼灣美食│公屋樓梯口設計打卡車仔麵店！最平$42/三餸麵
以懷舊公屋為設計的餐廳絕非新鮮事，執行得細緻與否卻是間間有別，最近經過時代廣場後方，竟然發現一個以「公屋樓梯口」為門口的車仔麵店，單單看門面已見心機，以舊式公屋走廊常見的圓形通花透氣窗為打卡位，加上黑膠唱盤、鎢絲燈、地主公。站在門口等外賣，有”華dee”造型的劉德華、Beyond四子、周慧敏海報，哥哥張國榮的名曲陪你，土炮味滿瀉。
【立即讚好】全新 Yahoo Food Facebook 專頁
重現東頭村車仔檔 $50食到四餸麵
憑店內的流行曲選歌，不難猜到店主阿健(Kin)鍾情八十年代廣東歌，把車仔麵店設計成公屋走廊，也非搬字過紙，人做我又做：「我都係八十後，細細個係屋村長大，最鍾意喺樓梯口踢波周圍走，特別有感情，餐廳大門旁寫上”23”，因為我細個係住東頭村23座，事前搵返資料，模仿當時的字體，開舖後真有當年東頭村街坊認得到，好有滿足感。」車仔麵店是Kin第二間餐廳，他做過港式地道小炒店，以性價比做起口碑，今次主打車仔麵，定價同樣親民，四餸麵$50，指定的六餸麵也是 $56，同區而言，絕對抵食。
無味精 八小時豬骨湯膽
Kin希望車仔麵貼近舊時的車仔麵檔，餸菜款式要實而不華，這裡的餐牌都不花巧，你不會見到時下流行的日式豬軟骨、唐揚炸雞、花膠、鮑魚、泰式魚餅等，材料都是傳統土炮豬紅蘿蔔、豬皮大腸、牛腩、雞腳等。全店最大心機位在於湯底，每日用新鮮豬骨加胡椒粒，熬最少八小時成奶白豬骨湯，再加磨豉醬提味，不加味精。湯底味道也只限兩款，沙嗲醬及辣汁，沙嗲醬以花生碎及磨豉炒成，辣汁則以指天椒及辣粉調味，有層次，不是一味死辣。
廿款車仔餸 炆煮類最有心機
車仔餸不超過廿款，款款有心機，以獨自汁醬烹煮，不是一兩個汁走天涯。需要炆煮的菜式全部在Kin另一間小炒店炮製，師傅都是經驗十足的小炒大廚。像招牌鮑汁雞腳，不是快炸而成，慢慢以鮮鮑汁炆煮入味，皮爽入味；花菇不用普通冬菇，用日本的厚肉花菇；豬紅用新鮮豬紅，加了辣汁再浸煮而成；孖筋也以自製滷水半炆半煮，充滿膠質；香辣水魷以新鮮魷魚製成，不會醃到全無魷魚味。吃慣銅鑼灣動輒過百蚊碟的café式意粉，間中來一碗平民心機車仔麵，飲啖無味精湯，加大啖汽水，大熱天時，好爽！
全新訂座平台「Yahoo訂餐廳×Openrice」正式上線！
麵檔銅鑼灣店
地址：銅鑼灣勿地臣街10號 (地圖按此)
電話：2889 9011
更多銅鑼灣美食推介
Bakehouse銅鑼灣開店！疫市開分店 必試酸種蛋撻、牛角包、麵包
The Matcha Tokyo銅鑼灣｜東京人氣抹茶香港專門店正式開業！有機鹿兒島抹茶特濃雪糕＋長崎蛋糕＋Croffle
After You香港｜泰國過江龍甜品店After You銅鑼灣開幕！必食泰式奶茶+芒果糯米飯刨冰/超厚鹹蛋黃吐司
銅鑼灣美食│席前鐵板燒$368/位午市套餐！燒廣島蠔/煙燻依比利亞豬鞍/鑊氣炒飯
銅鑼灣美食〡台灣無老鍋進駐香港！必試麵包豆腐白湯鍋/任食台灣直送鴨血/獨門自創冰淇淋豆腐
銅鑼灣美食〡川菜新貴川川！三希樓班底/招牌辣子雞/香辣古井鵝肉脆炸包
上村牧場進駐銅鑼灣時代廣場！日本燒肉放題任食 迴轉列車送餐 主打鹿兒島牧場的A4頂級薩摩黑毛和牛
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載
