雅虎香港新聞 兩餸飯推介︱記者實測Pacific Coffee營養兩餸飯 性價比高唔高？最高卡路里係邊款餸？
兩餸飯食得多，近來越來越多餐廳加入戰場，最新一間加入戰團的是連鎖咖啡店Pacific Coffee，標價$68/盒，比想像中貴不少，到底值不值得一試？來一個實測！即睇Yahoo Food專訪
「兩餸飯」依然強勢，最近版圖再擴大，陸續有連鎖店甚至cafe加入戰場。連鎖咖啡店Pacific Coffee早前宣佈在部分指定分店推出「健康餐」，最大賣點是每份餸菜都計好營養，在標籤上寫得清楚。標價劃一$68/份，每份都有四款餸，菜式種類預設好，不可自由選配。價錢比普通兩餸飯貴不少，到底性價比高不高？記者會按性價比，味道及款式，營養價值，來一次實測。
*試食評語按餐廳當日出品質素，記者個人經驗及口味而得出
👉🏻全新Yahoo Food Instagram上線啦！立即Follow獲取更多飲食攻略
最大賣點 營養價值一目了然
Pacific coffee的「健康餐」一共九款，每款已經計好卡路里總和，吃每一餐都要「計數」的做gym一族就最方便。例如最少卡路里的「紅酒汁燴牛肉餐」，共429 kcal/卡，還細分為蛋白質(32.9g)、脂肪(15.8g)、碳水(38.8g)、鹽量(3.2g)及膳食纖維(4.5g)。或「法式香草烤雞餐」共554kcal/卡，最高卡路里的竟然是「蒲燒鰻魚套餐」共671 kcal/卡。食幾多，要跑返幾多，不用自己計，夠哂方便。加上開宗名義，標榜營養價值，飯餐內的菜及肉都少汁，不油膩，這方面當然比傳統兩餸飯優勝。
餸菜款式貼地 味道不單調
坊間有質素的兩餸飯，有鑊氣，熱辣辣惹味。但印象中，一旦講求健康營養的菜式就免不了犧牲味道。今次這「健康餐」無論菜式配搭及味道都比想像中好，每日都設有三款飯供選擇，日日不同。款式不乏蒲燒鰻魚、秘製叉燒、黑椒牛仔粒、香草烤雞、蕃茄燉牛肋條等，不是一味烚菜，沙律，雞胸，少醬少汁的淡而無味健康餐。像「紅酒汁燴牛肉餐」，酒香雖然欠奉，但牛肉juicy夠腍身，不淡口；聽名字會覺得乏味的「白蘑菇雞髀肉套餐」，雞髀肉細細粒，不太鹹但絕對夠味。整體而言「健康餐」算是兼顧到味道又健康。但若要拿來與傳統兩餸飯比較，還是會輸蝕，最少就絕對無鑊氣，也不會有像黑醋骨，黑椒牛柳粒哪種小炒的惹味。
份量小巧 略嫌不夠飽
大眾兩餸飯最大特色之一，就是又平又飽肚，盒盒飯都要放得滿滿，撐爆飯盒才算合格。但咖啡店這種「健康餐」，份量就來得小巧得多 ，餸菜共四小盒，部分有白飯，部分沒有。雖說每款都一定有肉類增添飽肚感，但其餘菜式主要都是蒸水蛋，蔬菜等，加上份量不多。如果是男士，就很大機會不夠飽，再考慮到飯餐$68/盒(不包飲品)，這方面在性價比上扣不少分。
總結：
連鎖咖啡店的「健康餐」名字沒改錯，其實並非市面上平靚正，抵食夾大件的貼地「兩餸飯」。$68/份，四款菜式，菜式不能自由配搭。好處是幫你計好數，幾多卡路里，菜式配搭本身已經考慮到均衡營養，最啱需要嚴格控制飲食，有計劃，有系統地keep fit做gym 人士。但就絕不要抱著對普通兩餸飯的期望去幫襯，否則一定邊吃邊嫌貴又不划算。幸好以營養健康餸菜角度，味道及款式配搭做得有水準，絕對不是刻板印象中，味道又寡又單調的健康膳食。
太平洋咖啡指定分店有售
分店地址查詢：Facebook @The Nutribite
全新訂座平台「Yahoo訂餐廳×Openrice」正式上線！
更多九龍灣美食推介
九龍灣美食︱打工仔食堂日賣過150份！足料雲吞雞+酸菜魚米線
九龍灣美食︱型格川菜「川公館」抵食重慶豆花烤魚+啤酒煮小龍蝦
九龍灣美食｜一人薄餅專門店！推介四重芝士pizza+足料意式肉腸
九龍灣美食｜元朗燒賣皇后妙舒進駐淘大花園！$12/5粒自家製香菇豬肉燒賣＋秘製辣醬
【九龍灣美食】九龍灣午餐高質茶餐廳 新鮮粟米忌廉通粉/手撕雞湯咖喱/咖喱蛋包飯
【九龍灣外賣】Deliveroo戶戶送九龍灣首設戶戶小廚 消費滿$200享75折優惠
【九龍灣火鍋】犇殿台灣火鍋任食火鍋放題$178起食盡回本靚牛
九龍灣美食廣場Foodeli午餐推介10間 限時全單8折優惠
MUJI無印良品九龍灣旗艦店開幕！全港最大分店：日本食材/茶米/手造麵包
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
