雅虎香港新聞 冠珍醬園｜直擊近百年老字號本地醬油廠！醬園名一定要用珍字尾？第4代傳人親揭秘 出名到非洲小島都有賣
豉油是每個家庭不可缺少的重要調味料，在民初時期香港有超過2、30間大大小小的醬園，但能留下來的寥寥可數，今次Yahoo就親自到有近百年歷史的經典醬料品牌「冠珍醬園」的廠房參觀，並訪問第4代傳人，即睇Yahoo Food專訪：
問問大家，說起Made In HK的食品，你第一時間會想起甚麼？雖然不少本港產業的廠房都移師北上，但其實細心留意一下的話，就會發現香港還有數間歷史悠久的醬油廠，而且不少都有個「珍」字，今次就請來冠珍醬園第4代傳人陳天佑（Daniel）為Yahoo Food的讀者揭開本地醬油廠神秘面紗，以及細說堅持傳統產業的困難，大家更有機會到訪醬園，親身去了解本地醬油歷史。
👉🏻全新Yahoo Food Instagram上線啦！立即Follow獲取更多飲食攻略
揭開「珍」字尾豉油秘密 製作一支豉油需時最少半年
冠珍醬園於1928創立，最初成立於九龍城九龍大街，再在1967年將工廠遷至新界元朗凹頭，至今已經有96年歷史，「大家見到本地好多醬園都有個珍字，好似八珍、同珍等，其實係因為大家都係差唔多時間喺九龍城寨開醬園，可以話係同一條村嘅街坊鄰居。」第4代傳人Daniel笑說，他在中學時去了美國唸書，回港後到了大學工作，最後再在爺爺的請求下接手醬園，「我本身讀歷史。」因此他回到醬園，就開始慢慢發掘醬園的歷史，更與大學合作舉辦一些導賞團，讓更多人了解香港醬園文化。
說到醬園文化前，大家最想了解豉油到底是怎樣煉成？豉油雖是每個華人家庭不可或決的調味料，價錢便宜，但其實製作一支豉油絕不簡單，要經過煮豆、加入菌種進行2次發酵，最後再抽取豉油入樽才叫大功告成，Daniel表示冠珍的豉油前後以最少六個月時間釀制，而且全部都是由經驗豐富的老師傅們製作，質素穩定。
眾所周知，頭抽是指頭一批被抽取的豉油，而老抽亦是抽取多次的豉油，味道亦較淡，主要是用來幫食物上色，但冠珍的老抽都是以頭抽製作，除了是希望風味更豐富，另一個原因是因為抽取完豉油的黃豆亦另有用途，「我哋最賣得嘅其實係醬料，醬料多數都係用黃豆做，如果我哋抽取太多次豉油，黃豆味道就會變淡，而我哋又唔想加添加劑下，就只可以減少抽取。」Daniel解釋，他亦希望醬園有更多新產品，研發了跟公仔麵相當匹配的黃豆醬，個人認為跟同樣香港製作的大光麵吃起來更加美味。
非洲小島愛吃辣醬配燒賣法包 本地醬園可保留多久？
在8、90年代，「Made in HK」可以說是工業的金漆招牌，不少產品暢銷海外，「我哋而家都主要係做海外生意，但好有趣嘅一點係，唔同醬園的產品通常都唔會出現喺同一個國家或者地方，好似有種默契。」Daniel再說，以為醬料豉油多數出現在華人較多的國家？非也，Daniel透露冠珍的醬料在非洲某一個小島亦佔有一席位，「喺非洲有個法屬小島叫留尼旺，人口唔算好多，但每年都會入成幾隻貨櫃嘅貨，咁我好好奇想知點解，有年我就直接飛咗過去。」Daniel回憶道，轉機又轉機後，Daniel發現當地人都會用品牌的辣醬配搭燒賣跟法包，是當地隨處可見的小食，他認為可能是他的祖上曾在南美地區工作多年，於當地有一定人際關係，然後輾轉將冠珍的產品帶到留尼旺並發揚光大，最後Daniel更決定在非洲落廣告，讓世界看見香港。
當日遊走醬園，Daniel熱情地跟我們講解不少豉油製作、醬園文化、好像現在還有只屬醬料界的師傅誕等，可惜的是縱使豉油跟醬料在市場依然有着不可或缺的地位，但本地醬園依然面對不少老字號同一挑戰，就是人手老化，「我呢度好多師傅好快就會退休，所以接下來都難免要會變成機械化。」
而且由於政府發展土地計劃，醬園於不久的未來亦要搬遷，面對着無法掌握的未來，Daniel只能盡力推廣醬園文化，因此品牌最近就跟同樣著重本地食材的東涌世茂喜來登酒店中菜廳「采悅軒」合作，推出期間限定的「珍味香港」嚐味菜單（$680/位）。今次嚐味菜單選用多款冠珍生產的廣東式醬料及調味料，當中包括以黑米醋製作的花膠酸辣羹、冠珍蝦醬香酥肉配蝴蝶包、大澳風味秘製醬油撈飯等，現凡惠顧此嚐味菜單，即可報名參與11月2日或11月23日冠珍醬園導賞團，親自欣賞多年來都為香港默默耕耘的本地老品牌。
蝴蝶包做得精緻，一入口就嚐到鹹香蝦醬味道，小小一件卻讓人回味無窮。
最經典的美味之作，米香混合醬油的香氣，不知不覺就吃光。
采悅軒
地址：東涌怡東路9號香港東涌世茂喜來登酒店2樓（地圖按此）
電話：2535 0028
全新訂座平台「Yahoo訂餐廳×Openrice」正式上線！
更多近期熱話
漢堡排大戰｜肉肉大米香港店開幕！挽肉と米黃傑龍還擊：似乎頗為失禮
自攜蛋糕到壽司郎慶祝生日？港媽公審餐廳拒提供碟叉及點蠟燭 網民一面倒撐壽司郎
文記車仔麵霸咗成條福榮街變「文記街」？ 網友笑稱遲啲搞上市 有人因為呢個原因唔再幫襯？
米芝蓮Little Napoli｜跑馬地店10月初結業 將搬到灣仔新店
AEON便當店｜Bento Express全線結業 青衣最後一間分店10.3結業
嘆現代酒樓雞扎走樣 網民細數傳統雞扎有咩唔同咗？ 棉花雞同雞扎你會點揀？
灣仔雄記美食慘遭「被結業」鐵閘外被貼招租告示 店家鬧爆地產代理：嚴重錯誤
鰂魚涌酒樓2萬月薪請人 工時、休息安排引熱議 網民：爭在未賣身
Mister Donut香港首店進駐尖沙咀K11 Art Mall！10月26日正式開幕 香港終於都食到
熱話｜童年陰影「三色豆」大翻身！日本7-11以西蘭花取代青豆
尖沙咀食$200焗豬扒飯中伏 狠批豬扒冇味 飯冇炒底 餐廳主動免單引熱議
九龍香格里拉賣兩餸飯? Café Kool推出$88自助餐盒 有肉有海鮮 旨在節約剩食
7-11鮮芋仙系列登場！獨家發售台灣直送鮮芋仙招牌仙草冰沙+仙草冬瓜茶鮮奶及咖啡
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
