同床異夢 四角關係 黃智雯為馬德鐘即興加親熱戲

馬德鐘昨日出席無綫新劇活動，對於被指「執四攤」演出完全不介意，且覺得很幸運，態度正面。而黃智雯於劇中與馬德鐘及羅天宇之間有不少感情戲，愛玩即興的她，更預告會加插親熱戲份。

無綫懸疑新劇《再見．枕邊人》（暫名）昨日在電視城舉行開鏡拜神，劇中演員馬德鐘、黃智雯、張曦雯及羅天宇等出席，早前有指男主角人選先後考慮過陳展鵬、袁偉豪及馬國明，但三位視帝均有其他工作而未能參演，最後由馬德鐘「執四攤」接演，馬德鐘說：「唔介意，呢行經常係咁，我試過演緊都換咗去演第二個角色，所以唔覺係乜嘢，夾到時間演係好幸運！（上一套《雙生陌生人》收視欠理想，有冇造成壓力？）唔會，收視有時好有時唔好，希望今次題材觀眾會鍾意。」並透露今次角色不用搞笑，要周旋於飾演失蹤兼失憶的太太黃智雯和現任女友張曦雯之間的三角關係。

黃智雯稱出道第一套劇《東山飄雨西關晴》便跟馬德鐘合作，之後合作過兩、三部劇，今次是第一次飾演夫妻，問可有親熱戲？她直言會自行加插親熱戲。馬德鐘笑言雖然與智雯兩公婆一齊瞓，卻同床異夢，又踢爆智雯跟羅天宇有一段姊弟戀。由於智雯造型戴眼鏡，令她成功減齡，笑言拍着羅天宇會更有青春氣息：「天宇真係好大隻，佢仲會爆肌。（會摸佢？）梗係即興加戲啦！劇情豐富啲嘛！」馬德鐘即取笑智雯：「就算冇都加落去。」而她稱角色要玩失憶，笑言這段戲自己演得不錯：「因為我經常都失憶。」

張曦雯做後母

而張曦雯首度挑戰做後母角色，而且心機算盡，她說：「第一次演媽咪角色，不過我係善良後母，機心只係對住馬德鐘，對個仔係真心嘅。」她稱現實中暫未有生育計劃，只會間中幻想一下。