土瓜灣食廈新派中菜「聚聚」 火焰鹹豬手+煙燻豉油雞+一人椰皇花膠
土瓜灣是街坊社區,傳統一盅兩件老派酒樓不難找。但如果你想坐得舒舒服服慢慢歎,甚至有靚景打卡,就絕非易事。新食廈U Place早排開一間以新派中菜為牌頭的小店,價錢比旺區同類型餐廳親民,午市竟然找到$68一人份量的足料set lunch,性價比好高。
【立即讚好】全新 Yahoo Food Facebook 專頁
上枱點火 豬手火焰show
這中菜館門外門內都像時下流行打卡cafe,入門的sharing table長木枱上懸掛著大型乾花裝飾,兩邊大玻璃窗日光充沛,連餐具都新潮有型不老土。翻開餐牌,前菜,小食,點心,甜品,招牌菜,不偏重於傳統粵菜或鑊氣小炒,走精緻打卡路線。想浮誇,想上枱嘩嘩聲,首推一道「火焰脆皮豬手」,以冰糖及香料如香葉,八角等煮至入味,再焗,最後炸脆外皮,重頭戲是豬手以木盤上枱後,侍應會淋上一杯玫瑰露,點火,整隻豬手起火,燒約三十秒,期間酒香四溢,視覺嗅覺效果滿分。
豬手皮炸得脆又帶點酒香,連芥末沙律醬同吃,酸香辛辣,味道好夾。普通一道豉油雞也見心思,用足兩斤重的三黃雞,用兩種茶葉及乾桂花煙燻夠十分鐘,豉油汁中又加了不常見的黃梔子提味,雞件色深心油潤,皮滑肉嫩,煙燻香頗重。
最抵食 $68一人午市套餐
喜歡玩味的可揀多幾款全日供應的點心,如造成雪茄形狀的蝦春捲 ,鮑魚撻,雙色流心皮蛋,或以炸茄子配魚香醬造成的魚香茄子。還有一款女士最愛的一人份量花膠,原個椰皇內是燉雞湯及一條長如手掌的鱈魚膠,才$68好抵食!
同樣價錢的午市一人餐CP值都超高,已包前菜+點心+主食+飲品,十多款選擇。叫一碗酸菜魚米線,一隻松露煙燻蛋,一隻紅油餃子,價錢只比連鎖店貴少少,卻更豐富更有心機,單是這午市套餐,已經值得encore再試!
聚聚
地址:土瓜灣九龍城道68號瑧尚UPLACE2樓203號舖(地圖按此)
電話:59031319
全新訂座平台「Yahoo訂餐廳×Openrice」正式上線!
更多土瓜灣美食推介
楚撚記大排檔土瓜灣總店搬大舖 每日半價試新菜+$99生啤放題 蒜蓉粉絲蒸元貝皇/拔絲焦糖香燒脆腩仔/鮮味黃金時令蟹粥
土瓜灣漫花燈火OMG萬花筒七彩打卡餐廳 流心竹炭撻+夢幻tea set+雲朵造型麻糬
鴻福海鮮四季火鍋月底結業土瓜灣老店 獨特炭爐風味 曾成《無間道》場景
土瓜灣美食│小巷高質地道泰菜 泰籍大廚坐鎮 $58濃厚咖喱雞麵
【土瓜灣美食】棄澳洲賭場高薪返港開中菜館 主打懷舊+創新粵菜 必食芝麻雞
【土瓜灣美食】$184/人金蠔雞煲!任食烤魚煲/海鮮/靚牛/麻辣四寶
【今晚食乜好】唔知今晚食乜餸?立即去Yahoo Food 食譜專頁搵靈感
>>按此下載<< 全新Yahoo APP,領取最新餐廳優惠、氣炸食譜、自助餐推介、仲有飲食達人教你識煮識食,讓你成為真正全面的吃貨,立即下載!