季前賽|譚旻萱方泳琳客串演出對撼姜濤Edan 現實原來都係籃球健將

《季前賽》截圖
《季前賽》截圖

ViuTV劇集《季前賽》由姜濤、Ian(陳卓賢)、Edan(呂爵安)和Stanley(邱士縉)主演,一班MIRROR成員平日熱愛籃球,包括姜濤鍾意打街波就係人都知,但估唔到於第4集客串,與「痴漢籃球隊」切磋並勝出嘅譚旻萱(Mandy)及方泳琳(Jessie)喺現實中都係籃球健將。

第4集劇情講述喪波(張繼聰飾)搵嚟籃壇有名嘅「美少女街場隊」與「痴漢籃球隊」比賽,阿孝(姜濤飾)和阿德(呂爵安飾)等人原先睇唔起對手,卻被打得落花流水。當中,「美少女街場隊」隊員譚旻萱和方泳琳其實大有來頭;譚旻萱擁有隔代混血血統,隔咗多代Mix俄羅斯、加拿大及香港,五官輪廓突出,故此中五時已被模特兒公司睇中,中學畢業後成為Angelababy和熊黛林師妹,及後拍過寶礦力、雪條廣告等,仲曾被Edan親自點名邀請擔任《E先生連環不幸事件》MV女主角,因而人氣急升,更被「爵屎」認證為E女郎。譚旻萱外貌被激讚,不過就曾表示自己係易肥體質,中學時被同學嘲笑話佢似「坦克」;而原來身高1米77嘅佢中三就開始打籃球,曾經係籃球隊活躍成員。

至於方泳琳則有「籃球女神」之稱,有十多年球齡,男朋友陳張敏仲要係南華球員及前男子組合4anda成員之一。方泳琳曾拍戲演年輕版周秀娜,又曾擔任《戀講嘢》嘉賓、出演《大叔的愛》及《最後一屆口罩小姐選舉》20強「假Renci」 ;方泳琳於節目上分享曾經有兩次捉姦經歷,令佢會有戒心,宜家佢正與男朋友同居,指家中有工人睇實,可以杜絕男友出軌可能,而浩男就叫她Check男友車Cam,但193忠告佢千萬唔好咁做。

《季前賽》截圖
《季前賽》截圖
《季前賽》截圖
《季前賽》截圖
《季前賽》劇照
《季前賽》劇照
《季前賽》劇照
《季前賽》劇照
《季前賽》劇照
《季前賽》劇照
《季前賽》劇照
《季前賽》劇照
《季前賽》劇照
《季前賽》劇照
譚旻萱
譚旻萱 (譚旻萱IG)
譚旻萱
譚旻萱 (譚旻萱IG)
譚旻萱
譚旻萱 (譚旻萱IG)
方泳琳
方泳琳 (方泳琳IG)
方泳琳
方泳琳 (方泳琳IG)
方泳琳
方泳琳 (方泳琳IG)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!