張振朗陳芷尤戀情告終！ 傳因多小花埋身女方欠安全感

藝人張振朗同陳芷尤一齊3年幾，雖然兩人多次被拍到約會，但雙方只係以「好好朋友」相稱，直到上年被人影到佢地去歐洲玩時先間接承認對方地位。

點知今個月初兩人突然宣佈分手，並透露當中並沒有涉及第三者。而陳芷尤話二人已經分開一段時間，因為大家各有各忙及觀念不同。

不過有報道指分手原因有傳係張振朗拍劇時成日有小花埋身，而且緋聞多多，搞到陳芷尤無晒安全感。再加上張振朗而家上緊位，工作愈來愈多，佢哋見面時間就變得愈來愈少，所以成為分手嘅導火線。