愈嚟愈Fit 導演畀101分 劉青雲愛拍動作片 慢無一失

影帝劉青雲前晚以弗爆身形出席電影《神探大戰》的首映禮，對於片中動作連場，他自嘲一向是「慢動作演員」，並稱會繼續以慢動作拍動作片。

劉青雲、韋家輝、湯怡、吳浩康與老闆楊受成前晚出席英皇電影《神探大戰》在尖沙咀舉行的首映禮，捧場嘉賓星光熠熠，包括出爐影后劉雅瑟、張敬軒、洪金寶與太太高麗虹等。

郭思琳鬼古胎教

劉青雲與最佳拍檔導演韋家輝相隔9年再合作，新片在內地上映至今票房已超過人民幣4億元，兩人感到相當滿意，對於香港票房，青雲認為難以估計，要視乎香港疫情發展。講到青雲身形弗爆，片中有連場動作戲，韋家輝說：「佢真係愈嚟愈fit，一埋位就畀足101分。」青雲自言沒有被動作片難度嚇怕，他笑說：「我不嬲都係動作演員，不過係慢動作演員，唔使快嘅。觀眾想睇都會繼續拍，不過都係慢動作。」

吳浩康偕同懷有8個月身孕的太太郭思琳睇戲，兩人皆表示心情開始緊張，吳浩康指會陪太太入產房，但擔心自己到時會有奇怪反應。講到可擔心新片會刺激到BB，郭思琳笑說：「唔怕，我同BB係用鬼故事嚟做胎教，自己鍾意靈異嘢，我哋就晚晚聽鬼古。」

湯怡開槍險破相

湯怡片中扮演警察，既要追賊又要開真槍，第一次開槍幾乎破相，她說：「喺廟街第一次開槍，覺得隻耳仔有啲痛，原來畀彈殼擦傷咗，都擔心破相，唔知道彈殼殺傷力咁犀利。」