李佳芯剝光豬 高潮眼脷誘陳豪

東方日報
·2 分鐘文章
陳豪突被李佳芯飛擒,艷福不淺!
陳豪突被李佳芯飛擒,艷福不淺!

「視后」李佳芯從影以來首度「大解放」,在新劇濕身半裸,既使出高潮眼又舔晒脷,再玩「真空圍裙」女上男下擒陳豪!

陳豪、李佳芯(Ali)、蕭正楠及陳瀅等主演的無綫劇集《愛美麗狂想曲》,現正於myTV Gold播映,此劇內容搞笑,每位演員都有破格演出,陳豪經常講「走音」英文,蕭正楠的HeHe演繹及楊詩敏對男生的猴擒都相當出位!而女主角Ali飾演的王麗美,離婚後重投職場,與上司陳豪發生感情。第8集中,她為了幫明星劉溫馨的清酒廣告創作口號,飲了幾杯便發酒癲,更踩上陳豪屋企搞搞震,一絲不掛在廚房搞事,翌日睡醒發現自己在家,連Bra都不見了!

Ali拍攝這場戲時豁出去「大解放」,既舔脷又高潮眼,搞到陳豪唔上唔落。今次亦是她入行以來露得最多的一次,裸背沒有打底,加上將水倒在身上,搞笑得來極具誘惑,之後更套上圍裙「真空」跳上陳豪的床。

自嘲冇性感Feel

談及這場誘惑戲,她受訪時說:「呢場戲印象好深,講我飲醉酒亂嚟,本來係色誘到阿Mo(陳豪)流口水又吞口水嘅一場戲,可惜我秉承一貫作風,就算大露背都冇乜性感Feel。嗰下舔脷好好笑,但露背真係第一次,拍嗰陣前面黐晒膠紙,唔可以作任何打底!」而陳豪艷福不淺,既有Ali這隻「醉娃」送上門,又有劉溫馨狂咀!

李佳芯剝完衫又玩「真空圍裙」,夠晒誘惑。
李佳芯剝完衫又玩「真空圍裙」,夠晒誘惑。