無綫話題劇《殭》昨日終於播出大結局！劇情講到藍夢南(謝安琪飾)終於回憶起一切，原來所謂「殭屍」其實係未來世界一種傳染病，那時的世界已成一片廢墟，殭屍橫行。但醫治殭屍病的物質在未來世界已經滅絕，所以夢南及凌風(陳山聰飾)奉命回到過去尋找物質，拯救人類。原來一切都

點知兩人坐時光機時遇上時空亂流，混亂間夢南感染殭屍病毒，仲咬埋凌風，呢個就係二人齊齊變殭屍的原因。好啦終於明白晒，夢南同凌風之所以有強烈感應，係因為佢哋同是未來人，不過喺回到明朝時就失咗憶，所以要幾百年後先相認番。等觀眾之前仲不斷估佢哋幾百年前發生咩事… 真係要寫個「服」字俾大台編劇。

其實… 你話呢？

續下頁…

延伸閱讀

火線下的仙氣香香圖輯

新劇《琅琊榜》足本介紹

得悉原因後，夢南與刑活著(鄭嘉穎)發現該物質其實就係曾令夢南變回人類的藍色泉水，於是出發到荷蘭搵產生泉水的晶石。不過難得有靚人靚景，當然少不免要錫吓先啦！

但凌風早已率領殭屍軍團埋伏，原來凌風亦早已恢復記憶，不過佢並唔想殭屍滅絕，佢要成為殭屍王者。於是又可以見到阿刑同凌風「紅光」鬥「藍光」，認真刺激！

激戰期間夢南及夢瑤(陳凱琳飾)進入蟲洞回到未來，獨留阿刑同凌風決一死戰，夢南消失前仲好淒厲咁叫咗句︰「刑~活~著~ 你一定要嚟搵我呀！」

續下頁…

最後阿刑成功殺死凌風，不過自此要與夢南分離…

凌風死後，阿刑仲被佢帶來的殭屍兵團包圍，正當觀眾以為有得睇阿刑開「無雙」以一敵百的時候，畫面就… 黑咗。

然後… 就係「五年後」……

續下頁…

畫面黑咗之後，就係出現大台最招牌的「五年後」，原來「靈吾靈」同「隨意門」已經合拼，變咗「靈舍隨意門」，繼續食字。

之後除咗見到賴慰玲擺明向元秋致敬的造型，竟然仲見到「范祖賢」亂入！大家記唔記得Joebee？咪就係《四個女仔三個BAR》入面黃智賢同姚子羚個仔，俾人告佢「衰十一」嗰個呢！估唔到咁都可以Crossover！

等咗百年之後，畫面見到一個應該未來世界的地方，作為不死人的阿刑當然係青春常駐，然後終於與夢南、夢瑤重聚。最後喺夢瑤做電燈膽之下，阿刑再次捉緊夢南雙手……

續下頁…

其實成套劇入面啲人物都係玩食字，去到結局亦不例外，當夢瑤問佢依家叫咩名的時候，佢就一臉沾沾自喜咁話自己叫「刑然型」… 仲話自己間「夜吾夜」已經係百年老店，進入全球十大食府之一…… 厲害厲害。

真係笑到小編變咗鄭嘉穎咁……

最後就係大團圓結局，愉快手拖手走向夕陽，完。

全文完

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

網址：www.facebook.com/orientalsundayhk