涉強姦罪入獄 電影大亨Harvey Weinstein傳罹患白血病︳電影LOL

曾經出品過無數荷里活電影作品嘅電影大亨Harvey Weinstein，因為被揭發多年來對女性作出性騷擾甚至性侵而聲名狼籍，更因為強姦罪成而在紐約Rikers Island的監獄服刑。不過美國NBC及Deadline等多間傳媒引述消息指，Harvey Weinstein患上白血病，正在獄中接受治療。

Weinstein嘅代表回應，基於私隱而對報導不予評論。72歲嘅Weinstein近期健康狀況麻麻，7月時因感染新冠病毒及肺炎而入院，到9月就因為心肺積水而進行心臟緊急手術。

身體多問題之外，Weinstein嘅官司仲未因為佢入獄而完結。紐約政府嘅檢控官正打算向Weinstein提出新嘅起訴，將會同近期另一宗控罪一齊上庭。

Weinstein 2017年被《紐約時報》踢爆多年來性侵多位女性，隨後喺2018年5月被紐約當局拘捕及檢控，從而掀起鼓勵舉報性侵嘅METOO運動。2020年Weinstein 性侵及強姦罪成立，被判入獄23年，雖然呢單案喺今年上訴得直，但Weinstein 2022年因另一宗喺洛杉磯被控嘅案件而入獄16年，所以佢仍然身陷囹圄。原定11月喺紐約嘅案件會展開上訴聆訊，但外界都估緊健康每況愈下嘅Harvey Weinstein，出冊同出殯邊樣會發生先……

更多電影文章

魅笑2／完美配對謀殺案／DIDI弟弟︳電影LOL 今期睇咩戲

范冰冰主動爭取拍馬來西亞片 導演爆范爺金句「將我糟蹋成垃圾，我奉陪到底」︳電影LOL

索女Sydney Sweeney演女版Rocky操出麒麟臂 本尊女拳王一生極傳奇︳電影LOL

《魅笑2》心寒微笑再現 導演︰將第一集嘅恐怖元素玩大10倍！︳電影LOL

港產賀歲片得返2套臨時上陣 古天樂拍城寨四子臨危受命 對撼張繼聰主演賭片︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！