環球趣聞｜富士山頂都可以叫外賣！一個Pizza運費只需$213？

Yahoo 旅遊
更新日期：
據聞Pizza本身要價3,776日圓（$213港元），但運費就要4萬日圓（$2,266港元）。 （圖：網絡圖片）
據聞Pizza本身要價3,776日圓（$213港元），但運費就要4萬日圓（$2,266港元）。 （圖：網絡圖片）

日本富士山每年夏天時間都會開放予公眾登山，除咗外國遊客之外，據聞每位日本人一生都要上去一次先算完整，所以每年夏天都非常熱鬧。一般登山都會採用兩日一夜行程，即係用一日時間行到山頂下位置，瞓一晚才於凌晨時登頂睇日出。

唔少網民就大讚外賣員十分厲害而且登山級別可以話去到專業級。 （圖：網絡圖片）
唔少網民就大讚外賣員十分厲害而且登山級別可以話去到專業級。 （圖：網絡圖片）

近日有日本網民就意外於山頂發現有Pizza餐廳外賣員送Pizza，佢拍下照片放上網，估唔到真係有所發現！呢位外賣員孭住一個外賣保溫袋，寫住餐廳名「Domino’s」，後來有網民發現於登山記錄網站YAMAP中有該位外賣員嘅記錄，佢於早上7:38分出發，最後於下午1:27分到達山頂，全程只用6個鐘左右就行咗8公里登頂，據聞Pizza本身要價3,776日圓（$213港元），但運費就要4萬日圓（$2,266港元）！唔少網民就大讚外賣員十分厲害而且登山級別可以話去到專業級，一般人通常總共要用8個鐘，佢只用6個鐘就完成，當然佢裝備比一般登山客輕便，只得一個保溫袋；不過都有人話唔明白點解有人會於富士山頂食Pizza呢，大家又點睇？

每年夏天時間都會開放予公眾登山，吸引大量本地及外國人。 （圖：japan travel@twitter）
每年夏天時間都會開放予公眾登山，吸引大量本地及外國人。 （圖：japan travel@twitter）

按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！

相關文章：

環球趣聞｜日本網民一張圖了解北海道有幾大：「千萬唔好諗住坐的士！」

環球趣聞｜全球最大NBA主題公園 11月巴西落成竟非美國？

環球趣聞｜斐濟推出中國紀念鈔 外型太似「冥鈔」鬧出笑話？