男星Gabriel Olds涉強姦三女被捕／琦溫斯莉拍戲凸腩霸氣回應／Jenna Ortega︰政治正確令人好假︳電影LOL 周五外娛速食

－拍過《神聖電視台》以及NCIS:Los Angeles嘅荷里活男星Gabriel Olds，被洛杉磯警方指佢涉及多宗性侵案而被捕。警方指去年1月收到一名41歲女子報警，聲稱被Gabriel Olds強姦，後來再有2名女子指喺2013年同樣被Gabriel Olds侵犯。警方表示受害人同Gabriel Olds約會後，有人使用暴力進行侵犯。控方提出Gabriel Olds需要交出350萬美元保釋金。52歲嘅Gabriel Olds 15歲開始參演舞台劇，90年代開始進入電視圈。

－琦溫斯莉Kate Winslet監製及主演新片Lee將於9月上畫，片中佢飾演二戰期間擔任記者及攝影師嘅Lee Miller。琦溫斯莉近期做宣傳時透露，新片有場戲佢著住比堅尼坐喺長凳，好自然地「凸腩」。有工作人員提醒琦溫斯莉坐直啲，琦姐就好霸氣咁回應「唔使旨意，特登架！」。當年《鐵達尼號》一炮而紅後，香港觀眾叫身型豐腴嘅琦溫斯莉做「月巴溫」，琦溫斯莉喺訪問表示毫不介意喺鏡頭前唔夠完美，甚至為自己身體髮膚感到自豪。

－以《愛登士家庭》發展嘅Netflix劇Wednesday，女主角Jenna Ortega早前接受外媒Vanity Fair訪問。Jenna本來有份拍新片《奪命狂呼7》，但《奪7》女星Melissa Barrera因為就以哈戰爭表態而被飛起，Jenna隨後就以「撞期」為由辭演《奪7》。Vanity Fair擺明要soundbite，走去問Jenna對以哈戰爭嘅睇法，Jenna就話而家演藝界個個都要政治正確，佢覺得咁會令大家失卻人性同缺乏坦誠。Jenna希望每個人都可以抒發己見，從而帶出討論。不如咁，Jenna你首先坦白講，係咪唔妥《奪命狂呼7》飛起Melissa Barrera所以先話撞期推戲？

更多電影文章

蠟筆小新劇場版：我們的恐龍日記／分期付款愛上你／邊緣禁地：沙丘喪戰／圈套／默殺／飢餓教室︳電影LOL 今期睇咩戲

美國有貓貓片電影節入戲院專睇喵星人 負責人一年睇萬五條片揀蟀︳電影LOL

《見習無限耆》落實拍韓片版 傳韓國影帝崔岷植演超齡實習生？︳電影LOL

《台北追緝令》洛比桑再赴台拍動作片 桂綸鎂全英語演出做女車神︳電影LOL

跟陳果翁子光彭秀慧做編劇仲有固定月薪 香港電影工作者總會搞新晉編劇學徒計劃︳電影LOL

《舊年暑假搞乜鬼》重拍 導演保證唔會放棄當年仆直嘅續集︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！